Nanay ng kontrobersiyal na aktres mas dumami ang kaaway

Hindi na pala contract star ng Artist Center si CJ Muere kaya wala silang alam sa nangyari sa Star­struck Avenger.

News kahapon si CJ dahil pinalo ito ng golf club nang masangkot siya sa traffic dispute sa Roxas Boulevard.

Malabo ang kuwento dahil hindi naman nagpa­interbyu si CJ at nag-check out na rin siya kahapon mula sa Ospital Ng Maynila.

Inactive member si CJ ng Artist Center dahil pinili niya na mag-aral kesa mag-artista. Alam niya na mas bright ang kanyang future kung magkakaroon siya ng college diploma.

* * *

Ngayon ang imbitasyon ni Senator Loren Le­gar­da sa mga miyembro ng media.

Sasakay sila sa ferryboat sa Pasig River at pu­pun­ta sa Laguna de Bay para tingnan ang damage na dulot ni Ondoy.

Personal na ipapakita ni Mama Loren sa mga re­porter ang pangit na resulta ng paninirahan ng mga squatter sa Laguna de Bay.

Panahon na talaga para linisin ang Laguna de Bay or else, forever nang magiging baha sa Metro Manila sa tuwing magkakaroon ng malakas na ulan.

Ang pangangalaga sa ating kapaligiran at natural na kalikasan ang number one advocacy ni Mama Loren.

* * *

Watch nyo mamayang gabi ang pilot telecast ng ShowwwTime ni Michael V.

Same timeslot ang bagong show ni Michael V. na ipinalit sa Bitoy’s Funniest Video.

Malakas ang hatak ni Bitoy sa televiewers kaya sure ako na magre-rate ang ShowwwTime.

* * *

Ngayon ang arrival ni Nadine Samonte mula sa Germany.

Sulit ang pagbabakasyon ni Nadine dahil magiging busy na siya sa taping ng Tinik Sa Dibdib.

Second choice si Nadine para sa role na iniwan ni Sunshine Dizon pero hindi na ito mahalaga. Ang importante, siya ang final choice na maging bida.

* * *

Imbyerna sa isang stage mother ang mga reporter.

Nag-promise ang stage mother na siya ang magsasalita para sa kanyang anak pero nagpapatay siya ng cellphone kapag tinatawagan ng mga reporter.

Nabastos ang pakiramdam ng mga reporter kaya imbudo sila.

Imbes na magkaroon ng kakampi, nadagdagan ang enemies ni stage mother.

* * *

Dahil Sabado ngayon, ire-remind ko sa inyo ang Startalk.

‘Wag ninyong kalimutan na panoorin ang Startalk dahil ang mga hottest showbiz news ang inyong mapapanood mula sa mga tunay na showbiz authority.