Dingdong isip Andong Agimat
CEBU, Philippines - Si Dingdong Dantes maoy mahimong bida sa pelikulang “Ang Mundo ni Andong Agimat.” Si Rhian Ramos maoy mapares sa aktor sa maong movie nga idirek ni Mark Reyes ubos sa Viva Films, Unitel Pictures ug GMA Films.
Way tihik-tihik
Matud pa nga wa nagtinihik ang RGutz Productions, Viva Films ug GMA Films sa pag-produce sa Patient X kay ila gyud nga gihatag ang tanang gi-request sa director niini nga si Yam Laranas aron hugyaw ang resulta sa maong pelikula.
Maja gidayeg sa viewers
Matawag nga panahon na gyud karon ni Maja Salvador kay nahimo na karon nga talk of the town ang iyang serye nga Nagsimula sa Puso sa ABS-CBN.
Erich mopalit og bag-ong balay
Naningkamot og maayo karon ang bida sa Katorse nga si Erich Gonzales aron makapalit og bag-o nga balay . Kahinumduman nga naapektuhan sa baha ang kasamtangan niya nga balay didto sa kaulohan .
Maricar sa MMK
Pahilakon na ni Maricar Reyes ang publiko pinaagi sa usa ka episode sa Maalaala Mo Kaya karong gabii diin iyang mapares si Carlo Aquino. Dalhon ni Maricar ang papel nga buktot.
Kahibulongang Hitabo
Matud pa nga dunay makahadlok nga nahitabo sa dihang gi-shoot ang pelikulang Patient X. Ang usa sa cast niini nga si TJ Trinidad nakakuha og hulagway sa iyang cellphone diin makita ang usa ka family picture. Samtang ang ilang cameraman naka-shoot og usa ka tawo nga wa nila ilhi.
Akihiro mosulod sa Darna
Giigong mosulod sa di madugay ang Brazilian-Japanese model nga si Akihiro Sato sa fantaserye nga Darna ni Marian Rivera.
All star k! manamilit na
Kutob na lang karong Domingo ang All Star K! The P1M Videoke Challenge sa GMA-7. Pero wa naguol ang mga host niini nga sila si Allan K ug Jaya sanglit sila gihapon ang mo-host sa ihulip niini nga programa nga nag-ulohan og Bandaoke.
Polo nakulbaan
Na-pressure ang aktor nga si Polo Ravales kay daghan ang miingon kaniya nga dako ang iyang purohan nga makadaog siya sa awards night sa FAMAS karong October 18 diin na-nominate siya sa best actor award.
Hulip kang JC gipangita pa
Hangtud karon wa pa nakakaplag og artista ang Regal Films aron maoy ihulip kang JC de Vera sa Mano Po 6 kinsa di na modayon sa nahisgutang proyekto gumikan kay conflict kini sa iyang schedule.
- Latest
