Staff at co-stars nabunutan ng tinik kay Sunshine

SEEN : Ang namumugto na mata ng nanay ni Sunshine Dizon matapos makipag-meeting sa GMA 7 people noong Martes. Dina­ramdam ng nanay ni Sunshine ang pagkawala ng anak sa Tinik Sa Dibdib.

SCENE : Nabunutan ng tinik sa dibdib ang staff ng Tinik Sa Dibdib nang malaman nila ang ouster ni Sunshine Dizon sa kanilang programa.

SEEN : Pinupuri ang pasya nina Korina Sanchez at Senator Mar Roxas na huwag nang magkaroon ng magarbong wedding reception sa October 27, alang-alang sa mga nasalanta ng baha. Pogi points ito para sa kandidatura ni Senator Mar bilang Bise-Presidente ng bansa. 

SCENE : Ang pasasalamat ni Regine Velasquez sa lahat nang nagpakita ng concern sa kanyang kalusugan. Migraine ang numero uno na health problem ni Regine.

SEEN : Ikinatuwa ng libu-libong Pilipino ang balita na hindi kakandidato si Willie Revillame sa anumang posisyon sa pamahalaan. Maraming salamat Lord!

SCENE : Kulang sa kilig ang mga eksena nina Piolo Pascual at KC Concepcion sa Lovers In Paris. Hindi maka-relate ang manonood sa kuwento ng Lovers In Paris.

SEEN : Ang makapal na buhok ni Cesar Montano. Endorser siya ng isang hair restoration clinic na forte ang hair transplant.

SCENE : Sina Sharon Cuneta, KC Con­cepcion, Charice Pempengco, Christian Bautista, Jaya, Ogie Alcasid, Zsa Zsa Padilla, at Karylle ang ilan sa mga sikat na artista na nag-recording para sa Kaya Natin Ito, ang awit ng OPM (Original Pilipino Music) na dedicated sa mga biktima ng kalamidad.