Nadine hulip ni Sunshine sa Tinik

CEBU, Philippines - Magsugod na karong October 19 si Nadine Samonte alang sa taping sa Tinik Sa Dibdib isip hulip ni Sunshine Dizon nga gikatahong dunay health problem. Nagbakasyon pa karon si Nadine sa balay sa iyang lola sa Germany ug gikatakdang muoli dinhi sa nasud karong Sabado.

Akihiro hukman na

Karong gabii na makita sa GMA-7 ang acting skill sa Brazilian-Japanese model nga si Akihiro Sato pinaagi sa “SRO Cinemaserye Presents Moshi, Moshi, I Love You” uban ni Rufa Mae Quinto. Giangkon ni Akihiro nga nakulbaan siya og maayo sa dihang una niya   nga nakauban si Rufa Mae sa usa ka eksena.

Problema sa Eleksiyon

Gituohang magkaproblema og maayo ang pipila ka mga artista nga moapil sa politika karong 2010 gumikan kay nag-usab usab ang desisyon sa Commission on Election kung hangtud kanus-a kutob ang ilang appearance sa telebisyon o sa peikula. Usa na niini si Sen. Bong Revilla nga dunay pelikula nga “Panday” , samtang si Richard Gomez dunay Family Feud sa GMA-7.

Goma wa pa’y partido

Gipadayag ni Richard Gomez nga nag-una siya karon sa survey sa ikaupat nga distrito sa Ormoc City busa dako ang purohan nga matuboy siya nga pagka kongresista sa sunod tuig nga eleksiyon. Sa pagka-karon wa pa kapili ang aktor og partido.

Nina gipasidunggan

Gipasidunggan sa Warner Music Philippines ang acoustic singer nga si Nina human nahalinan og 200,000 copies ang iyang “Nina Live!” album.   Siya maoy pinakauna nga female artist sa nasud nga nakadawat og Diamond Record Award.

Anne mas feel ni Claudine

Si Anne Curtis ang   gusto nga makauban ni Claudine Barretto alang sa himoon niya nga pelikula sa Viva Films.

Jopay wa magdali

Daghan ang sigeg pangutana kung kanus-a magpakasal sila si Sexbomb member Jopay Paguia ug ang  iyang boyfriend nga si Joshua Zamora . Pero matud pa ni Jopay nga wa siya gadali sa maong butang sanglit kinahanglan pa nila nga magtigom og kuwarta.