Sunshine tsugi na sa Tinik sa Dibdib

CEBU, Philippines - Miulbo karon ang istorya nga matud pa wagtangon na sa Tinik Sa Dibdib sa GMA-7 ang bida niini nga si Sunshine Dizon.

Matud pa nga nangita og pamaagi karon ang production team sa maong serye aron dili maapektuhan ang dagan sa istorya niini.

Giingong nangita na sila karon og artista aron maoy ihulip sa nabiyaan nga role ni Sunshine.

Gikatakdang mopagawas sa di madugay og official statement ang GMA 7 management kabahin sa maong problema.

Dunay mga rason nga mitumaw diin usa na niini ang wa pagtunga ni Sunshine sa taping sa maong serye .

Migawas usab ang taho nga wa kauyon ang aktres sa wa pagtuman sa iyang request nga minosan ang iyang mga eksena aron makapahuway siya og tarong. Dili lang kay ang Tinik sa Dibdib ang gibiyaan sa aktres, mi-back-out na usab siya isip hurado sa StarStruck V.

Sa latest report nga nasagap sa Pang Masa kagahapon, nagplano ang aktres nga moadto sa Amerika aron makauban ang iyang amahan.

Usa sa gituohan nga laing problema sa aktres ang grabe nga depression busa gikinahanglan niya ang hustong pahuway.