Show ni Bitoy tsugi na!
Panay ang plugging ng bagong show ng GMA 7 na ‘di namin alam kung tagline lang o title na ‘yung It’s Showwwtime na sabi, show ni Michael V.at kapalit ng Bitoy’s Funniest Video. Sabado rin ito mapapanood, pero iba na ang format at magiging talent show na.
Napi-pressure raw ang staff ng bagong show ni Michael V to come up with new ideas para hindi magmukhang Talentadong Pinoy ni Ryan Agoncillo ang mapapanood sa show.
Hindi kaya magka-ubusan ng contestants at talent na ipakikita dahil halos kapareho rin ng format ng show ni Ryan ang Pinoy Records at ‘ganun din ang format ng Pilipinas Got Talent ng ABS-CBN? Huwag ‘ding kalilimutang nauna na ang Eat…Bulaga sa ganitong format sa isang segment ng show.
***
Hindi pa man naipapalabas ang Patient X nina Richard Gutierrez at Cristine Reyes, pinag-usapan na raw ng GMA Films headed by Atty. Annette Gozon-Abrogar ang Valentine movie ni Richard for 2010.
Baka raw matuloy pa rin ang tambalan nina Richard at Anne Curtis na hindi natuloy dahil mas pinili ng actor na horror film ni Yam Laranas ang gawin, kesa rom-com movie to be directed sana ni Maryo J. delos Reyes.
May isa pang pangalan ng actress na isina-suggest kina Annette at Joey Abacan na puwedeng ipareha kay Richard kundi pupuwede si Anne. Ang problema’y ipahiram kaya ng kanyang home studio ang actress sa GMA Films? Kung matutuloy ang tambalang ito, tiyak na marami ang matutuwa’t hinihintay ang muling pagtatambal ni Richard at ng actress na ito.
***
Si Ynna Asistio ang napiling kapareha ni JC de Vera sa bagong episode ng Dear Friend na eere sa October 24, kapalit ng 3 Bachelors nina Kyla at Jay-R at Jennica Garcia at Mart Escudero. Si Mark Reyes ang director ng episode at susubok sa kakayahang mag-drama ni Ynna na bagong balik sa GMA 7.
Nabanggit ni Nadia Montenegro na kasama rin ang anak niya sa cast ng Full House, pero ‘di pa niya alam ang role. Kaya naman masayang-masaya si Ynna dahil dalawang shows agad ang kanyang gagawin sa Kapuso network.
Kailan naman kaya sila pagsasamahin ni Mark Herras na matagal nang nali-link sa kanya?
Magandang tingnan kung may chemistry sila ni Mark at kung kakagatin ba ng viewers ang kanilang tambalan.
***
Friday sa Stairway to Heaven, magtatrabaho sina Jenna (Rhian Ramos) at Badet (Karen delos Reyes) sa kompanya ni Cholo (Dingdong Dantes) na ‘di alam na ang binata ang may-ari.
Gagawa ng paraan si Cholo na mapalapit kay Jenna na ‘di makaiwas. Dahil kay Jenna, hindi na naman nasipot ni Cholo ang isang conference na dadaluhan sana nila ni Eunice (Glaiza de Castro) at muling magsisintir ang dalaga.
- Latest
