Erich ug Xian sakpan

CEBU, Philippines - Nagpadayon ang gibuhat nga relief operation sa mga kapamilya stars alang sa naapektuhan sa bagyong Ondoy. Matud pa sa tsika nga samtang nanghatag og relief goods, tataw usab ang sweetness sa duha ka bitoun sa Katorse nga sila si Erich Gonzales ug Xian Lim.

Michelle Obama mo-guest sa Sesame Street

Hugyaw ang unang ginang sa Amerika nga si Michelle Obama kay mo-appear kini sa special episode alang sa 40th anniversary sa children show nga Sesame Street. Gikatakda mga mohatag og lecture si Michelle kung unsaun pag-atiman ang mga vegetables aron maayo ang tubo niini.

Pinay sa Singapore Idol

Usa ka Euro-Filipina ang nasulod sa Top 12 sa nagpadayong Singapore Idol. Ang 21 anyos nga Pinay ginganlan og Sylvia Ratonel kinsa nagtrabaho sa usa ka kompanya sa maong nasud isip usa ka sekretarya. Sa sunod nga round, gikatakda nga kantahon ni Sylvia ang Sweet Child of Mine.

Charice mitabang

Usa sa mihatag sa iyang hinabang alang sa mga naapektuhan sa Bagyong Ondoy ang banggiitang child singer nga si Charice Pempengco. Lakip usab sa mihatag og ayuda ang mga sponsors ni Charice sa nagkadaiya niya nga shows... Sanden J. Anadia