PBB mobirada na

CEBU, Philippines - Magsugod na karong Domingo ang Pinoy Big Brother Double Up , puwes daghan ang nakapangutana kung wa ba kaha naapektuhan sa bagyong Ondoy ang Balay ni Kuya.

Giklaro hinuon sa unit direktor sa PBB nga si Laurenti Dyogi nga wa gyud maapektohi ang balay, gani midoble pa ang gidak-on niini.

Daghang mga sopresa ang giandam ni Kuya nga aprobado usab sa tag-iya sa franchise sa Big Brother, ang Endemol.

Magbiling 12 ka housemates ang mosulod sa maong balay ug nagsugod na kini sa pagpanamilit sa ilang mga pamilya.

Ang napili nga mga housemates nagikan pa sa 50,000 nga nagpa-audition   diin ang uban niini gikan pa sa US ug Japan nga nagpangedaron og 20 hangtud sa 30 anyos.

Naglain-lain nga mga karakter ang masulod sa balay    nga dunay tagsa-tagsa ka personalidad nga moresulta sa pagkabibo sa maong show.

Sila si Toni Gonzaga, Mariel Rodriguez ug Bianca Gonzales gihapon ang mga hosts sa maong reality show .