Dahil kay Ondoy: Concert ni Katy Perry postponed

Seen : “Tell it to the marines” ang sagot ni Audie Gemora sa denial ni Congressman Mikey Arroyo na bumibili ito ng alak noong hinahagupit ng bagyong Ondoy ang Metro Manila. Born-again Christian si Audie ngunit napakadali sa kanya na manghusga ng kapwa. Hindi muna niya binigyan ng benefit of the doubt si Mikey.

Scene : Ang report ng talent manager na si Girlie Rodis na binaha noong bagyo ang lahat ng development project ni Senator Manny Villar. May kulay pulitika ang report ni Girlie dahil supporter siya ni Senator Noynoy Aquino at Sen. Mar Roxas. Hindi lamang ang mga development project ni Villar ang under water.  

Seen : Postponed ang concert ni Katy Perry sa Mall of Asia Concert Grounds dahil sa kalamidad na idinulot ni Ondoy.

Scene : Biktima ng bagyo ang pamilya ni Camille Prats ngunit hindi ‘yon naging hadlang upang tulungan niya ang kanyang mga kababayan sa Cainta.

Seen : Ang pahayag ni Cristine Reyes na nasa puso na niya si Richard Gutierrez dahil sa pagtulong nito sa kanya.

Scene : Ang Thanksgiving party ng Yaya & Angelina cast.

Seen : Si Mark Herras at ang kanyang mga kaibigan na nagpunta at nagbigay ng tulong sa mga residente ng Bulacan na biktima ni Ondoy.

Scene : Ang medical mission ng Belo Medical Group sa Marikina noong Lunes. Kasama sa medical mission si Dr. Hayden Kho, Jr.