Rosalinda Itinakwil
MANILA, Philippines - Maiiyak si Rosalinda (Carla Abellana) sa ginawang pagtakwil nito sa anak.
Maniniwala naman si Fernando Jose (Geoff Eigenmann) na magkaibang tao nga sina Paloma at Rosalinda dahil hindi matitiis ni Rosalinda ang anak habang walang pakialam si Paloma sa bata.
Pupuntahan ni Rosalinda si Fernando Jose sa condo nito pero wala doon ang lalake. Aksidenteng magkikita sila doon ni Soledad. Hindi makapaniwala si Soledad (Glydel Mercado) nang makita si Rosalinda.
Sa pagkagulat, matatawag na inay ni Rosalinda si Soledad.
Magugulat din si Fedra (Katrina Halili) pagkakita kay Rosalinda. Iinsultuhin pa ni Fedra ang singer pero manlalaban si Rosalinda.
Mabubuking na ni Florencio (Roderick Paulate) na si Becky pala ang babaeng minamahal ni Rico.
- Latest
