Ricky Davao at Magazine Publisher madalas magkasama; Ruffa 'di totoong sinundan si John Lloyd

Seen : Balik-GMA 7 si Ynna Asistio. Pumirma siya ng kontrata sa GMA Artist Center noong Miyerkules. Kasama ni Ynna ang kanyang manager na si Annabelle Rama.

Scene : Pinag-uusapan na nina Gary Valenciano at Martin Nievera ang repeat ng As 1, ang successful concert nila sa concert grounds ng Mall of Asia noong Sept. 19.

Seen : Mali ang balita na pumunta si Ruffa Gutierrez sa Amerika upang sundan si John Lloyd Cruz. Nakita si Ruffa sa red carpet premiere ng The Echo sa Megamall noong Miyerkules ng gabi.

Scene : Ang wrap-up party kagabi sa Hierarchy Bar ng cast ng Patient X. Showing ang Patient X sa mga sinehan sa Oct. 28.

Seen : Si Ricky Davao at ang magazine publisher na si Sari Yap sa Makati Shangri-la Hotel noong Miyerules ng gabi. Madalas na magkasama sina Sari at Ricky. Lalong umiingay ang balita na may relasyon sila.

Scene : May radio station na ang MTV. Bibigyan ng MTV ng morning radio show si KC Montero.

Seen : Si Rico Barrera sa presscon ng Tinik Sa Dibdib. Contract star si Rico ng Star Magic ngunit mapapanood siya sa Tinik Sa Dibdib na programa ng GMA 7. Maluwag ang GMA 7 sa mga contract star ng ABS-CBN. Star Magic talents din sina John Lapus at Joshua Dionisio ng Stairway to Heaven.

Scene : Ang scary trailer ng Patient X na ipinakita sa premiere screening ng The Echo. Si Yam Laranas ang direktor ng The Echo at Patient X.

Seen : Magtatapos na ang Florinda ni Maricel Soriano. Hindi naramdaman ng televiewers ang Florinda.