GMA back-to-back premiere of Sinenovelas

CEBU, Philippines - Mosamot kahugyaw karon ang afternoon Sinenovela tungod sa GMA back-to-back premiere sa  Kaya Kong Abutin Ang Langit ug Tinik sa Dibdib nga magsugod karong September 28. Bida sa nahisgutang mga serye ang kanhi magkaaway nga sila si Iza Calzado ug Sunshine Dizon.

Nagkatiguwang, nagkalami

Daghan ang nakadayeg nila ni Tirso Cruz III ug Joel Torre sanglit samtang nagkadagko ang ilang mga edad, nagkahugyaw usab ang ilang mga acting ability. Nagpabilin usab ang ilang fresh looks.

Nora-Vilma rivalry nabanhaw

Sa pagbalik karon ni   Vilma Santos sa movie industry, gipanglantawan nga mabuhi pagbalik ang rivalry nila ni Nora Aunor. Sa miaging media launch sa Kaya Kong Abutin ang Langit ug Tinik sa Dibdib, duna na poy pundok-pundok sa mga reporters nga gitandi ang duruha, lakip na kung kinsay labing dato nila ni Ate Vi ug La Aunor.

Imelda ug Claire gilalisan

Nalakip usab sa mga argumento sa press kung kinsa nila ni Imelda Papin ug Claire dela Fuente ang naa na karon sa hayahay nga status. Pero ang importante niini, nakahatag og positibong kontribusyon sa music industry ang nahisgutang duha ka mga singer.

Birthday celebrations sa pamilyang Revilla

Busy kaayo si Lani Mercado sa pagpangandam alang sa birthday celebrations nila ni Sen. Ramon “Bong” Revilla, Jr. , sa iyang apo nga si   Alexa del Rosario   ug sa inahan sa bata nga si Inah Revilla. Sa birthday ni Bong, dunay i-launch ang senador nga ipahigayon sa sosyal nga venue. Gisekreto ni Lani ang ubang detalye sa mahitabo nga selebrasyon aron masorpresa pud ang ilang mga guests.

Iampo na lang

Tsika pa ni Lanie Mercado ngadto sa Pang Masa nga ila na lang nga gisabot ang gisabyag nga negatibong istorya ni Rosanna Roces ngadto sa iyang pamilya.” “Pinagdarasal na lang namin kay Lord na magkaroon na ng kapayapaan between our family at sa kanya,” nagkanayon si Lanie

T.G.I.S reunion

Gibutyag ni Bobby Andrews nga nagplano karon ang iyang mga kaubanan niadto sa programang T.G.I.S nga mohimo og grand reunion. Sa pagka-karon nalakip si Bobby sa sinenovela nga Kaya Kong Abutin ang Langit sa GMA-7 kinsa gibidahan ni Iza Calzado.

Aljur nangita og ebidensiya

Gumikan sa way hunong nga pagka-link karon ni Aljur Abrenica ngadto kang Rich Assuncion, nangita ang aktor og ebidensiya aron maoy motin-aw sa tinoud nila nga status.

Sid ka-trabaho ang uyab

Nalakip karon si Sid Lucero sa indie film nga Sabungero: Dangal at Tibay. Usa sa direktor sa maong pelikula, ang girlfriend sa aktor nga si Rozie Delgado.