Marian binabantayan ang mga passionate scenes nina Dingdong at Rhian
Tiyak na kagyat itatanggi ng mga kinauukulan ang maugong nang balitang nakabantay si Marian Rivera sa set ng teleseryeng pinagbibidahan ng kanyang rumored boyfriend na si Dingdong Dantes at ni Rhian Ramos, lalo’t kung may pagka-passionate ang eksena ng mga ito.
Ayon sa aking source, may dahilan naman daw para mabahala si Marian kung ‘‘track record’’ ni Dingdong ang pag-uusapan pagdating sa kanyang mga nagiging katrabaho.
Sa isang Viva TV-produced project namuo ang relasyon sa pagitan ng aktres na si Antoinette Taus. Sa mga teleserye naman ng GMA 7 tulad ng Twin Hearts at Encantadia umusbong ang sa kanila ni Karylle. Sinundan ito ni Marian noong magsama naman sila sa Marimar. Following this ‘‘romantic cycle,’’ ito raw ang ikinatatakot ngayon ni Marian sa posibleng pagkahulog ng loob ng kanyang nobyo kay Rhian.
Pero gaano rin katotoo na may isang concerned reporter-friend ang nagbigay ng ‘‘babala’’ sa aktor tungkol sa pagiging ‘‘pilya’’ rin ni Rhian? Ngumiti lang daw si Dingdong, pahiwatig nga bang aware siya sa imaheng ’yon ng kanyang bagong leading-lady?
* * *
Nasa ikalimang search na ang tinaguriang the first and only artista search sa bansa, ang Starstruck. Nagsimula kahapon, isinasagawa pa rin ang nationwide auditions ngayong araw, Linggo, sa SM Cagayan de Oro, SM Molino at SM Bacolod.
Bagama’t sa November pa ang airing nito, nasa masusing material-gathering na ang creative team, kabilang dito ang primer tungkol sa kasaysayan ng Starstruck at ng mga naging produkto nito.
Kapuri-puri naman ang Starstruck Batch One avenger na si Cristine Reyes, na bagama’t nasa ABS-CBN na, has nice words for the program that paved her way to stardom. Aniya, napakasayang karanasan daw ’yon.
Pero may panawagan siya sa mga papalarin : Huwag mag-away-away at maging pasaway.
* * *
Mga magpa-partner o sanggang-dikit sa mga Kapuso shows ang kailangang magpakitang-gilas kina Ariel at Maverick in tonights episode of All Star K!
Aling pares kaya kina Daiana Menezes at Beverly Kates (Bitoy’s Funniest Video), Moymoy Palaboy (Bubble Gang), Mart Escudero at Rich Asuncion (Starstruck), Gian Magdangal at Chris Kayzer (SOP), Mico Aytona at Hideaki Tori (Master Showman), John Feir at Pekto (Joey’s Quirky World) at Andrea at Lucky (Kablog) ang uuwing winner?
- Latest
