Pagbabalik ni Willie Revillame hindi na sorpresa; Patayan sa 'Tayong Dalawa' exaggerated; All Star K ire-reformat

Seen : Ire-reformat ang All Star K. Ipapasok sa game show nina Allan K. at Jaya ang Are You The Next Big Star winners na sina Geoff Taylor at Frencheska Farr.

Scene : Ang Bear Brand at Biogesic ang mga product endorsement nina Vilma Santos at John Lloyd Cruz na may special participation sa In My Life.

Seen : Ang OA na confrontation scene ng mga karakter nina Jake Cuenca, Gerald Anderson at Coco Martin sa Tayong Dalawa. Magpapatayan na lang, marami pa silang chechebureche.

Scene : Dalawang showbiz party ang magkasabay na gaganapin sa September 25, ang 43rd birthday ni Bong Revilla, Jr. at 18th birthday ni Ynna Asistio, ang aspiring actress- daughter ni Nadia Montenegro at Macario Asistio.

Seen : Ang not-guilty plea sa korte ng biyenan ni Ruby Rose Barrameda. Dumating sa korte ang akusado na may oxygen sa ilong at nakahiga sa ambulance stretcher. Pilit na real-life drama.

Scene : Hindi sorpresa ang pagbabalik ni Willie Revillame sa Wowowee. Mahihirapan siya na iwanan ang show na nagpayaman sa kanya.

Seen : Hindi affected si Rochelle Barrameda sa itsura ng biyenan ni Ruby Rose nang dumalo ito sa court hearing. Its all drama ang reaksiyon ni Rochelle.