Dihang mibunok ang uwan nagbaha ang fans sa Tayong Dalawa
CEBU, Philippines - Gikagubtan og maayo sa mga Sugbuanon ang mga bituon sa number 1 TV series nga Tayong Dalawa sa dihang mitikang kini kagahapon sa SM Parking Area alang sa usa ka mall show.
Tsika pa ni Bonding Adrian Dionzon, bisan og mibunok ang uwan nga miresulta sa pagbaha, wala matarog ang pagpunsisok sa mga tawo nga fans sa nahisgutang show ug sa mga bida niini nga mao ang Kimerald.
Matud pa sa tinubdan sa Banat Hugyaw nga buntag pa lang, napuno na ang venue, diin kadaghanan sa mga tawo nagdala og balloons.
Gawas sa Kimerald, diha pod sila si Jake Cuenca ug Coco Martin.
Sa wala pa sugdi ang show, una sila nga gihimamat sa Cebu Entertainment Group kon egroup diha sa Castle Peak Hotel sa Mabolo.
Sa presscon pa lang, pipila na ka Kimerald fans ang nag-apong, lakip na ang mga empleyado sa maong hotel ang midalikyat og pa-picture sa ilang idolo.
Nahugyaw ang fans tungod kay sa presscon pa lang, labihan na ka sweet nila ni Kim ug Gerald ngadto sa usa’g-usa.
Samtang gipadayag ni Jake nga angayan atngan ang nahibiling lima ka adlaw sa Tayong Dalawa kay daghan ang mahitabo nga wa damha.
“Merong unexpected na mga pangyayari, kaya abangan ninyo yan, sobrang ma-miss ko talaga ang mga kasamahan ko,” nagkanayon si Jake.
ABS-CBN pildero sa Mega Manila
AGB Mega Manila Ratings (Sept. 17): Darna 36.9/Bukas 29.3; Stairway 32.5/Tayong 30.8; Rosalinda 33.1/Dahil 28.9; Survivor 26.1/Florinda 20.
Ako pod oy
Mosulod na pod sa showbiz ang asawa sa boxing champ nga si Nonito Donaire. Tsika sa PEP, dunay gitakdang hosting stint si Rachel Donaire para sa usa ka talk show.
Manghadlok si Sunshine
Gitakdang sugdan ni Sunshine Dizon ang shooting para sa horror nga giulohan og Babang Luksa para sa GMA Films ug Reality Entertainment.
Rhian happy kaayo
Malipayon kaayo si Rhian Ramos sa ratings karon sa Stairway To Heaven. Niya pa ngadto sa PEP wala siya magdahom niini.
Dili na gyud mi motingog
Nahukman nila ni KC Concepcion ug Piolo Pascual nga magpakahilom kung unsa gyud tinuod nila nga relasyon hangtud nga magpadayon pa ang pagsalida sa ilang teleserye nga Lovers in Paris sa ABS-CBN.
Si BJ na pod
Sa September 26 na ang first shooting day sa MMFF entry nga Nieves starring Marian Rivera for Regal Films. Pero tsika pa sa PEP, dili na si Buboy Villar ang sidekick ni Marian, si BJ Forbes na.
- Latest
