Christine Bersola busy sa online show

Kahanga-hanga ang ginagawa ng Bear Brand Powdered Milk Drink sa kanilang Laki sa Gatas campaign para sa kanilang adbokasiya sa nutrition education hindi lamang para sa mga bata kundi lalo na sa mga magulang na mahigit tatlong taon na nilang ginagawa sa buong Pilipinas.

Kaya naman hindi nagdalawang isip ang Star for All Seasons at Batangas governor Vilma Santos na tanggapin ang pagiging celebrity endorser dahil bukod sa naniniwala siya sa pro­dukto, kaisa rin siya sa adbokasiya ng milk brand.

Aminado si Gov. Vi na hindi pa siya endor­ser ng Bear Brand Pow­dered Milk Drink ay umiinom na siya nito noon pa man.

Speaking of Gov. Vi, personal nitong pina­bulaanan na tatakbo siya sa pagka-bise presidente. Sinabi nito na gusto niyang ipag­patuloy ang kanyang panunung­kulan bilang gobernador ng Batan­gas dahil marami pa umano siyang maga­gandang proyekto na dapat simulan at tapusin.

Samantala, excited si Gov. Vi sa kanyang movie na In My Life, palabas bukas, kasama ang anak niyang si Luis Manzano at ang mahusay na aktor na si John Lloyd Cruz mula sa direksiyon ni Olive Lamasan under Star Cinema.

* * *

Bakit kaya hanggang ngayon ay ayaw pa ring magsalita either si Luis Manzano o si Angel Locsin sa break up nilang dalawa? Tikom pa rin ang bibig nila at maging si Gov. Vilma Santos ay ayaw pahabain ang komento hinggil dito.

* * *

Umere na kahapon ang Pinoy version ng hit Koreanovela na Stairway to Heaven na pinagbibidahan nina Dingdong Dantes at Rhian Ramos kasama ang supporting cast na sina Jean Garcia, Glaiza de Castro, TJ Trinidad, Jestoni Alarcon, Sandy Andolong at iba pa mula sa magkatulong na direksiyon nina Bb. Joyce Bernal at Andoy Ranay.  

Bongga at kakaiba ang ginawang launch ng Stairway to Heaven na ginanap sa Studio 7 ng GMA 7 dahil live na ipinakita sa mga dumalong en­ter­tainment media ang ilang eksena ng ka­abang-abang na teleserye.

* * *

Apat na taong gulang na si Antonia, ang panganay na anak ng mag-asawang Julius Babao at Tintin Bersola-Babao. Limang buwan naman ang ipinagbubuntis ngayon ni Tintin. Baby boy ang nakatakdang isilang ni Tintin sa unang linggo ng Pebrero 2010. May nakahanda na ring pangalan sina Julius at Tintin, Antonio Francesco at ngayon pa lamang ay excited na si Anya na makita ang kanyang baby brother.

Kung si Julius ay busy sa kanyang dalawang TV programs sa ABS-CBN, ang TV Patrol World at XXX, pinagkaabalahan naman ni Tintin ang kanyang kauna-unahang online show, ang www.Prentin.TV na nagkaroon ng kauna-unahang Parentin.Tv Talk Series sa Baby Co. sa Podium kahapon, Sept. 14.

 Sina Julius at Tintin ay parehong hands-on parents ni Anya.

* * *

[email protected]