Nicole Anderson 'di totoong GF ni Chavit Singson

Seen : Si Zanjoe Marudo ang Jean Garcia ng ABS-CBN. Hindi nawawalan ng primetime show si Jean sa GMA 7 at sunud-sunod ang primetime programs niya (Zanjoe) sa ABS-CBN.

Scene : Nag-iimbento ng balita ang ibang tao para mapansin. Ikinakalat nila ang balita na maraming cellulite si Marian Rivera sa Darna.

Seen : Boring mag-concert si Sitti. Panay ang hikab ng audience sa concert ng bossa nova singer.

Scene : Kahapon ang 40th day ng kamatayan ni dating Pangulong Cory Aquino. Nagkaroon ng misa sa Bataan, Cavite, Cubao at Antipolo na dinaluhan ng kanyang mga anak.

Seen : Nalito si Kris Aquino sa SNN noong Martes ng gabi. Nasabi niya na biyuda na si Dionisia Pacquiao. Nag-sorry si Kris nang sabihin sa kanya na buhay pa ang asawa ni Dionisia. Matagal nang hiwalay ang mga magulang ni Manny.

Scene : Naging iresponsable ang isang broadsheet (hindi Philippine Star) nang ilagay nila sa frontpage ang balita na rumored girlfriend ni Chavit Singson ang aktres na si Nicole Anderson. Hindi totoo ang balita.

SEEN : Chain smoker si Karen delos Reyes. Panay ang hithit niya ng sigarilyo sa backstage habang on-going ang presscon ng Stairway To Heaven.