Katrina gidumogan sa US
CEBU, Philippines - Malipayon kaayo si Katrina Halili gumikan kay gihangop gyud sa mga tawo ang iyang shows sa nagkadaiyang dapit sa US sama sa Los Angeles, New York ug New Jersey . Kabahin kini sa promotion sa GMA Pinoy TV ug iyang nakauban sila si Mark Herras, Pauleen Luna ug Jay-R. Tsika pa niya ngadto sa PangMasa nga gikalipay niya tungod kay gipadayag sa mga Pinoy sa Amerika ang ilang suporta sa iyang pagpangita og hustisya sa nahitabo nila ni Dr. Hayden Kho Jr. Ginuntan usab niya pa sa mga Pinoy ang Rosalinda, diin siya maoy Fedra.
Kuwentong Talentado
Gumikan sa pagka no. 1 karon sa Talentadong Pinoy sa TV5, nanganak og bag-ong programa ang nahisgutang show, diin nag-ulohan kini og “Kuwentong Talentado.” Magsugod na kini ugma sa gabii. Ang maong programa mutuki sa success story sa usa ka indibidwal nga nakahatag og dakong garbo tungod sa iyang talento.
Hot Mamas billboard
Mag-uban puhon sa usa ka billboard sila si Jennylyn Mercado ug Valerie Concepcion. Tawagon ang duha og Hot Mamas diin kabahin kini sa ilang pag-endorse sa Belo Medical Clinic. Si Jen dunay one year-old nga anak, si Alex Jazz (AJ), samtang si Valerie dunay anak nga kuwatro anyos nga ginganlan og Heather Fiona. (Sanden J. Anadia)
- Latest
