Richard gipatak-om sa prosecutor
CEBU, Philippines - Duha ra ka butang ang nahitabo atol sa panagtagbo nila ni Richard Gutierrez ug Loryane Pardo didto sa Imus Hall of Justice niadtong Biyernes sa buntag may labot sa kasong Reckless Imprudence Resulting in Homicide nga gipasaka sa nauwahi batok sa aktor.
Una, gipahibawo ni Cavite prosecutor Emmanuel Velasco, human sa closed-door mediation nga “open to settlement” ang duha ka mga habig.
Apan wala matino sa press ang maong balita ngadto sa mga natungdan tungod kay ang ikaduhang hitabo mao nga, dunay “gag order” nga giluwatan ang prosecutor hinungdan nga dili mahimong moluwat og pamahayag sila si Richard ug Pardo kalabot sa kaso sulod sa 15 ka adlaw ngadto sa media kabahin sa himoon nila nga negosasyon.
“We believe naman na they will follow our gag order. Gentleman’s agreement yon, para makapag-usap nang maayos,” nagkanayon ang prosecutor.
“Everybody’s open naman, e. We’re positive naman, e. We’re optimistic,” dugang pa ni Velasco. “After that, kung walang mangyari, idi-decide na yung kaso. Pero hopefully... both parties naman are open.”
Gipadayag ni Velasco nga nahuna-hunaan niya ang amicable settlement kay dili sila buot matawag nga “collection agent” ang korte.
Kahinumduman nga gipasaka ni Pardo ang maong kaso batok sa aktor human namatay ang iyang bana nga si Nomar, kinsa PA sa aktor, human usab nabangga sa poste ang kotse nga gimaneho ni Richard didto sa Cavite, pipila ka buwan na ang milabay (Sanden J. Anadia)
- Latest
