Nonito Donaire na-dengue; Cogie tahimik sa kasalanan kay Chavit Singson; Sharon Cuneta umiyak sa lamay ni INC leader Eraño Manalo

Seen : Advocate na ng women’s right si Dr. Hayden Kho, Jr. at suportado siya ng kanyang lawyer na si Atty. Lorna Kapunan. Nabawasan ang tiwala ng mga kababaihan kay Atty. Kapunan dahil sa pagtatanggol niya kay Hayden.

Scene : Naka-confine sa ospital si Nonito Donaire, Jr. May suspetsa ang mga doktor na biktima siya ng dengue.

Seen : Humihingi ng tulong sa GABRIELA si Che Tiongson, ang live-in partner na binugbog ni National Security Adviser Chavit Singson dahil nahuli siya na may ibang lalake na karelasyon.

Scene : Tahimik si Cogie Domingo sa kasalanan na ibinibintang sa kanya ni Chavit Singson. Takot lumaban si Cogie dahil may mga pruweba si Chavit na nagkaroon siya ng relasyon kay Che.

Seen : Nangingitim ang paligid ng mga mata, may bigote at gulo-gulo ang buhok ni John Lloyd Cruz sa Wowowee kahapon. Hindi na pang-matinee idol ang itsura ni John Lloyd.

Scene : Nandito Ako, Nagmamahal Sa’Yo ang final title ng launching movie ng loveteam nina Kris Bernal at Aljur Abrenica.

Seen : Umiyak si Sharon Cuneta nang makiramay sa naulilang pamilya ni INC leader Eraño Manalo. Live na napapanood sa Net 25 ang lamay kay Manalo. Ang INC ang may-ari ng Net 25.

Scene : Nakinabang si Mark Bautista sa friendship nila ni Piolo Pascual. May mga cameo role siya sa Manila at Kimmy Dora, ang mga project ng film company ni Piolo.