Mga pinoy gay sa n y nakasama ni Ate Vi

MANILA, Philippines - Itong Sabado na ang huli at grandest episode ng five-part TV special na Vilma: A Woman for All Seasons kung saan umani ito ng mga papuri mula sa iba’t ibang fans, supporters maging sa mga manunulat. Naging consistent din ito na nakakuha ng mataas na ratings sa lahat ng Sabado ng Agosto.

Nakilala ang respetadong aktres bilang artista, performer/TV host at dancer, bilang ina, kaibigan at kapatid, bilang unang babaeng Gobernador ng Batangas at ngayong Sabado (August 30), mapapanood na ang sneak peek ng pinag-uusapang pelikula ng Star for All Seasons na In My Life kasama sina Luis Manzano at John Lloyd Cruz sa ilalim ng direksiyon ni Olive Lamasan.  

Noong nakaraang Sabado ay nagkaroon na nga ito ng patikim nang mapanood ang full trailer ng pelikula na mainit na tinanggap ng mga televiewers.

Bilang pagtatapos sa isang buwang selebrasyon ng TV special ay may treat si Ate Vi para sa kanyang mga fans at supporters.

Masisilayan din ang extensive feature sa kanilang mga location sa New York, kasama na ang feature sa Filipino gay community.

* * *

Mababalitaan ni Valeria na baliw na si Rosalinda (Carla Abellana) at sinisisi naman ni Fernando Jose (Geoff Eigenmann) ang sarili sa nangyari sa asawa.

Sa ospital, makikita ni Fernando Jose si Berta, karga nito si Erika. Magagalit si Fernando Jose sa nalamang si Valeria ang nagpanakaw kay Erika.

Makikita naman nila Soledad si Rosalinda sa mansyon ni Valeria, magugulat sila Soledad nang malamang nabaliw si Rosalinda. Haharangan sila ni Valeria.

Magugulat si Valeria nang makita si Fernando Jose na karga-karga si Erika. Sobrang magagalit si Fernando Jose sa ina, sa ginawa nitong pagkidnap sa bata.

Ipapakita ni Fernando Jose si Erika kay Rosalinda pero aagawin ni Valeria ang bata, mahuhulog ang baby!

Mas kikilalaning anak ni Rosalinda ang manika kesa kay Erika. Pero maya-maya, nang iiyak si Erika, babalik ang katinuan ni Rosalinda at makikilala na nito si Erika. Sasaya naman si Fernando Jose dahil sa inaakalang bumabalik na sa dati ang asawa. Planong aalis na ito at ang kanyang pamilya sa poder ni Valeria.

Sa takot na baka may kukuha pa kay Erika, itatago ni Rosalinda ang bata sa loob ng maleta.

Ipapahuli ni Valeria sa mga taga-DSWD si Rosalinda. Akala ni Rosalinda, kukunin ng mga ito si Erika, hindi siya makapapayag.

Matatakasan sila ni Rosalinda. Makakaakyat ito sa itaas ng building.

Mapapabalita sa TV ang pag-akyat ni Rosalinda. Hindi makapaniwala sila Soledad. Pupuntahan nilang lahat si Rosalinda.

Sa pagmamadaling iligtas ang mag-ina, mag-ooverspeeding si Fernando Jose. Huhulihin siya ng pulis.

Mahuhulog si Rosalinda sa taas ng gusali!