Viva Venezuela! Back to back victory

CEBU, Philippines - Pero USA gihapon ang labing daghan og Miss Universe crown—pito kabuok!

Si Miss Venezuela, Stefanie Fernandez gyud maoy nahimong Miss Universe 2009, ang reyna, labing bulahan ug labing maanyag  sa tanang mga babaye sa tibuok kalibutan kagahapon sa buntag nga gipahigayon didto sa Providence Island, Nassau, Bahamas.

Siya maoy nahimong “successor” o ikaduhang nahimong sunod-sunod nga Miss Universe  sa iyang ”reigning” Miss Universe 2008 nga si Dayana Mendoza.

Siya misul-ob sa iyang maanindot nga “flowing red gown”, ug gigakos sa iyang “first runner up” nga si Miss Ada Aimee de la Cruz sa nasud sa Dominican Republic ug misayaw sa tukmang kahinam ug kalipay bunga sa iyang kadaugan hangtod maoy hinungdan nga natagak ang korona sa salog sa stage pag-”turn-over” sa maong “reigning queen”.

Pero si Miss Fernandez mihunghong ngadto sa iyang kababayan nga si Dayana Mendoza  nga iyang ipadayon ang pagtrabaho isip “successor” sa iyang pagdaug sa ikaduhang sunod-sunod nga kadaugan. Siya pud ang ika-unom nga nahimong Miss Universe sa nasud sa Venezuela gikan pa sa tuig 1979 nga gi-kadaugan ni Miss Universe 1979, Maritza Sayalero ug gisundan ni Miss Universe 1981; Mona Irene Saez Conde; Miss Universe 1986, Barbara Palacios Teyde; Miss Universe 1996, Alicia Machado ug ni Miss Universe 2008 Dayana Mendoza. 

Malamposon kaayo karon  sa ilang mga “career” ang mga “beauty titlists” sa Miss Universe gikan sa maong gihisgutang nasud, sama nila ni Miss Universe 1979 Maritza Sayalero nga usa na ka malampusong negosyante, sama pud nila ni Miss Universe 1986, Barbara Palacios Teyde nga usa pud ka “entrepreneur” ug ni Miss Universe 1997 nga usa na ka “model” ug “career mother”. Si Miss Universe 1981, Mona Irene Saez Conde, usa pud ka negosyante ug ”politician” nga mikontra ug napildi ni ”former President” Hugo Chavez isip presidente sa  ilang nasud sa Venezuela.

Matud pa, ang Miss Venezuela Organization mopahigayon og “advance” nga usa ka tuig sa maong indigay usa pa nila ipadala ang ilang representante sa ilang nasud, mao nga grabe gyud ang ipahigayong “training” o pag-bansay-bansay sa ilang mga delegada.

Si Fernandez maoy labing awahing gitawag nga  ”semi-finalists” sa “Top 15.”

Sa gipahigayong “question and answer portion” si Fernandez gipangutana “How she thought beauty contest promoted equality between men and women?”, ug siya “articulate” ug mapargarbohong mitubag pinaagi sa usa ka interpreter nga, “I feel we have reached the level at men are at... we have quite a following worldwide and we are models to follow”.

Trivia:

USA —Labing daghan og Miss Universe crown nga naangkon ang USA nga dunay pito, sukad nagsugod ang maong indigay 58 years ago. Sila mao si Miriam Stevenson (1954), Carol Morris (1956), Linda Bement (1960), Sylvia Hitcock (1967), Shawn Weatherly (1980), Chelsi Smith (1995), ug Brook Mahealani Lee (1997).

Puerto Rico— Lima ang Miss Universe crown sa Puerto Rico. Sila mao si Marisol Malaret (1970), Deborah Cathy Deu (1985), Dayanara Torres (1993), Denise Quinones August ( 2001) ug Zuleyka Rivera (2006).

Luis gisalikway ang third party angle

Mitingog na si Luis Manzano, ug matud pa niya duna lang silay problema nga gisuwayan og husay karon sa ilang relasyon ni Angel Locsin. Apan niya pa walay third party, ug labaw nang dili ang kakuwang sa panahon alang sa usag-usa ang hinungdan sa ilang problema. Padayon pa niya pa ang ilang communication ni Angel.

Duna nay kapuy-an

Perteng lipaya ni Geoff Taylor human siya midaog sa Are You The Next Big Star? sa GMA-7 niadtong Domingo sa gabii tungod kay lakip sa premyo mao ang usa ka condo unit. Tungod niini duna na gyud silay mapuy-an sa iyang inahan didto sa kaulohan sanglit lumad man sila nga taga Cagayan Valley. Si Geoff lakip sa PDA 1 sa ABS-CBN ug maoy labing unang nataktak. (Sanden Anadia)