Dingdong 'Tatapatan' ni Richard sa magazine ng ABS-CBN
Ipinahiram ng ABS-CBN si John Prats sa TV5 at ang actor ang gaganap na friendly ghost sa sitcom na Moomoo & Me. Kuwento ni John, series of meetings ang nangyari between his manager Arnold Vegafria and Channel 2 management bago siya pinayagang tanggapin ang project.
Sa September 10, 8:00 p.m., pa ang pilot ng sitcom sa direksyon ni Soxy Topacio.
Matutuwa si John kung maggi-guest ang girlfriend niyang si Shaina Magdayao sa sitcom ng TV5 dahil first director nito si direk Soxy. Kaya lang, magkaiba ang manager nila at ang Star Magic ang magdi-decide kung papayagang mag-guest ang GF sa show.
Sobrang happy si John sa relasyon nila ni Shaina at ang aktres na ang “the girl for him” at gustong pakasalan five to six years from now. Nag-work sa kanila ang five years age gap dahi nagbibigayan at nagkaka-intindihan sila.
* * *
Ipi-feature pala si Richard Gutierrez sa Star Studio na pag-aari ng ABS-CBN Publishing at isang very special issue ang inihahanda para sa actor na exclusive talent ng GMA Network.
Maganda sana kung nagkasabay ang labas ng Star Studio at special edition ng Yes! Magazine na si Dingdong Dantes naman ang na-feature. Dahil sa conflict ni Richard sa PEP na partly-owned ng Summit Media, hindi na muna siya makikita sa mga pahina ng magasin.
Samantala, tuluy-tuloy ang shooting ni Richard ng Patient X, kung saan, co-producer siya kasama ang GMA Films at Viva Films.
* * *
Aligaga si Mura sa pagkuha ng litrato sa birthday party ni Marian Rivera at kahit saan magpunta ang aktres, nakasunod at lahat nang bumabati rito ay kinukunan ng picture sa kanyang cellphone. Kahit nababalya ng photographers, tuloy ito sa pagkuha ng litrato.
Si Mura raw ang bagong BF o Best Friend ni Marian mula nang makasama sa Darna at hindi na si Buboy Villar. Binilhan pa nga ng iPod ng aktres si Muna nang makitang nahihirapan sa prosthetics niya bilang si Impy o Impakta sa Darna.
Dusa ang prosthetics ni Mura na two hours nilalagay at one hour inaalis. Hirap siyang kumain sa false teeth na ikinakabit. Tsika pala ni Mura na 34 years old, may nililigawan siyang May ang pangalan, 20+ ang edad at normal ang height. Naka-move on na si Mura after Mahal.
- Latest
