LT bait na bait kay Jericho

Remind ko muna sa lahat na mamayang gabi ang umpisa ng Dahil May Isang Ikaw sa ABS-CBN.

Ang Dahil May Isang Ikaw ang hudyat ng pagbabalik ni Lorna Tolentino sa primetime TV. Mahigit na isang taon na nagpahinga si LT sa telebisyon dahil marami siyang inasikaso mula nang mamatay si Rudy Fernandez noong June 2008.

Ang Dahil May Isang Ikaw ang sagot sa mga tanong ng fans ni LT. Sila ang mga tagahanga na inip na inip sa pagbabalik ni Lorna sa TV. Siguro naman, hihinto na sila ng pagpapadala sa akin ng mga e-mail dahil regular na nilang mapapanood sa TV ang kanilang idol.

* * *

Ang sipag-sipag ni LT na mag-promote. Inikot niya ang lahat ng mga show ng ABS-CBN para ipaalaala sa madlang-bayan ang show nila nina Gabby Concepcion, Jericho Rosales at Kristine Hermosa.

Bait na bait si LT kay Jericho. May respeto raw sa mga kasamahan sa trabaho si Jericho dahil bumabati ito sa lahat kapag dumarating sa set.

Inaabot ng umaga ang taping ng Dahil May Isang Ikaw. Nasulit nang husto ang mahigit isang taon na hindi pag-arte ni LT sa harap ng kamera.