Jinkee aakting na rin
Marami ang gustong magsalin sa pelikula ng buhay ni dating senador Ninoy Aquino. Isa na rito si Cesar Montano. Nabalitaan ko na may ganito ring balak ang taga-ABS-CBN at napipisil pa nga nila si Piolo Pascual para gumanap ng batang Ninoy. Si Vilma Santos naman ang napipisil para gumanap ng Cory Aquino.
Napakagandang proyekto, kung matutuloy. Maganda naman ang ginawang bahagi ng mag-asawang Ninoy at Cory Aquino sa kasaysayan ng ating bansa, ang magkatulong nilang pakikibaka para mabalik ang demokrasya sa ating bansa. Pero pinaka-maganda ang love story ng dalawa na talaga namang parang ginawa for the movies pero, totoong-totoo naman.
Sana nga ay matuloy ito, hindi lamang ito magiging isang magandang materyal para sa pelikula kundi magagamit rin ng mga mag-aaral sa iskuwela, bilang bahagi ng Philipine History.
* * *
Isa pa ring masuwerteng showbiz wannabe itong carting champion na si Matteo Guidecelli, nakakalabas siya sa dalawang magkalabang istasyon sa TV, tuwing bakasyon niya sa iskwela. Kung dati ay isa siyang Kapamilya at napanood sa ilang palabas sa ABS-CBN, lately ay nakikita siya sa SOP na kumakanta, nagsa-sayaw at nagho-host. Bakasyon na naman siya sa kanyang pag-aaral sa Chicago, USA na kung saan ay nasa unang taon siya sa kursong Musical Theater and Arts.
* * *
Tila wala nang pagkapigil ang pagpalaot ng magkapatid na Noynoy at Kris Aquino sa pulitika. Kahit sinabi na ni Senandor Noynoy na wala siyang balak na tumakbo sa isang mas mataas na posisyon, mukhang hindi niya mapapahindian ang pangungumbinse ng mga ka-partido niya. Latest na balita, magsasanib pwersa sila ni Sen. Mar Roxas.
Si Kris din kinukumbinse na mag-senador. Gusto sana niya ay sa 2016 pa pero baka mapilitan din siya sa 2010. Kahit anong sabihin, magigng mahalagang asset sila ng masasamahan nilang partido.
* * *
Proud naman si Manny Pacquiao na hindi pag-arte ang napiling pasukan ng kanyang misis na si Jinkee kundi ang pagiging product endorser. Aba, malaking bagay ‘yung maging endorser siya ng Belo Medical Clinic, specifically Belo Diet Injection. Sumailalim dito si Jinkee kaya pumayat siya ng 17 lbs. sa loob lamang ng 21 araw.
Pero sa lumalaking confidence na ibinibigay ng kanyang bagong itsura, kahit ayaw ni Manny, totoo bang tatanggap din ng acting assignments si Jinkee?
- Latest
