KC bawal nang mag-prayer meeting sa condo ni Piolo

Pinatigil na pala ni Megastar Sharon Cuneta si KC Concepcion sa pagpunta sa condo ni Piolo Pascual para mag-attend ng prayer meeting.

Sinabihan daw ni Sharon ang anak para hindi na matsismis ng kung anu-ano tungkol sa pag-join sa prayer meeting.

Instead, sa Wack Wack na lang daw pinupuntahan ng grupo si KC at doon na lang nagba-bible study at nilulutuan pa ng pagkain.

Minsan nang natsismis na madalas sa unit ni Piolo ang actress dahil sa prayer meeting kasama sina Mark Bautista, Christian Bautista, Sam Milby, at marami pang ibang miyembrong artista ng grupo ni Piolo. Nagmalisya ang iba kaya kinausap daw ni Mega si KC.

* * *

Uploaded na sa YouTube ang full trailer ng comeback movie ni Governor Vilma Santos with Luis Manzano and John Lloyd Cruz.

Maganda. At kung trailer ang pag-uusapan, papatok ang pelikula.

Interesting ang role ni Luis na anak ni Ate Vi sa pelikula at ni John Lloyd Cruz na may kakaibang relasyon kay Luis.
Sa New York kinunan ang majority sa mga eksena sa mga pelikula.

Parang kakaibang Vilma nga ang nasa pelikula. Parang very light bilang ina na ang karibal ay ang special someone ng kanyang anak.

May presscon ang pelikula sa Tuesday at siguradong present si Luis. Kaya siguradong hindi na siya makakaiwas sa pang-uurirat tungkol sa hindi nila inaasahang paghihiwalay nila ni Angel Locsin.

Parehong ayaw magsalita ng dalawa sa kani-kanilang mga kampo.

Ang gusto pa nga raw sana ng dalawa ay ilihim ang nangyari sa kanila.

Sa ngayon ay diretso ang trabaho ni Luis (shooting ng In My Life). Si Angel naman daw ayon sa kanyang publicist (?) na si VV ay hindi nakaalis pa-Amerika dahil sa problema sa visa.

Maraming version na ang lumalabas sa kanilang paghihiwalay at parehong sinasabing may third party.

* * *

Nanahimik naman si Edu Manzano pagkatapos niyang mag-resign as chairman ng Optical Media Board (OMB) kama­kailan.

Kasalukuyan itong nasa ibang bansa, nagbabakasyon kasama ang kanyang girlfriend na si Pinky Webb.

Pagdating daw ng TV host, siguradong magi-issue ito ng official statement tungkol sa kanyang naging desisyon na layasan ang ibinigay na posisyon sa kanya ni Pangulong Gloria Macapagal Arroyo.

Naunang nag-resign si Edu sa Umagang Kay Ganda Kamakailan.

Wala ring ibinigay na rason si Edu sa kanyang biglaang paglayas sa programa ng ABS-CBN.