Tarot tatalbugan ang Kulam

Matapos ang matagumpay na Mag-ingat Ka Sa Kulam starring Judy Ann Santos and Dennis Trillo na nagpanhik ng milyon sa kaban ni Mother Lily Monteverde, may bagong movie na dinirek si Jun Lana na inaasahang magiging isa ring blockbuster. Ito ang Tarot nina Marian Rivera at Dennis Trillo, na mapapanood sa mga sinehan simula sa Agosto 26.

Ayaw sanang gumawa ng isa pang horror ni Jun Lana para naman maiba pero, wala siyang makitang magandang kuwento na comedy o drama. Yung Tarot ang pinaka-interesting script na nabasa niya, kaya balik-horror siya.

More ambitious than Kulam ang Tarot. Maraming locations. Nag-shoot sila sa Mount Banahaw. Nabulabog yata nila ang mga ispiritu dun dahil sa kalagitnaan ng shooting, may naglalaglagan na malalaking sanga ng puno pero, walang pinanggagalingan! Mabuti na lang walang tinamaan sa kanila. Nagdarasal naman sila bago magsimula ng shoot, lalo na kapag horror ang ginagawa nila.

Hanga si Jun Lana sa kanyang bidang babae, kay Marian Rivera.

 “Iniiwasan ko sanang makatrabaho siya dahil ang dami-dami kong naririnig na negative tungkol sa kanya. Pero sa nakita ko, mali lang yung impression ng tao sa kanya. Propesyonal siya, always on time, knows her lines. May suggestions siya sa character niya, I was really impressed.

 “Kay Dennis, walang problema, swak na swak siya sa role niya, hindi ko na siya kailangang i-challenge pa.