Pagbubuntis ni Rochelle may hiwaga

Mamaya ang premiere night ng Love On Line sa Cinema 10 ng SM Megamall. Aapir sa premiere night si Vic Sotto dahil siya ang bida ng pelikula.

Ang premiere night sa SM Megamall ang ebidensiya na maipalalabas sa mga sinehan ng SM ang Love On Line. Showing ang pelikula sa August 19. Holiday sa QC sa Miyerkules dahil birthday ni President Manuel Quezon as in Quezon City Day.

* * *

Nakakakilabot ang mga kuwento ni Rochelle Barrameda tungkol sa pagpatay sa kanyang kapatid na si Ruby Rose.

First time ko na nakaharap si Rochelle mula nang matagpuan at mailibing ang labi ni Ruby Rose.

Iba talaga ang pakiramdam kapag aktuwal na naririnig ang mga kuwento ng nakakalokang pagkawala at pagpatay sa biktima.

Naawa ako sa mga magulang nina Rochelle at Ruby Rose dahil dinamdam nila ang nangyari sa kanilang bunsong anak.

Napakasakit para sa mga magulang na mawalan ng anak, lalo na kung sa bayolenteng paraan.

Nagpapasalamat ang pamilya ng mga Barrameda kay DILG Secretary Ronnie V. Puno dahil ito ang tumutulong sa kanila kahit noong hindi pa natatagpuan ang katawan ni Ruby Rose.

Inilihim ni Sec. Puno ang pagtulong niya sa mga Barrameda. Ni hindi nga siya dumating nang humarap sina Rochelle sa media.

Nagpapasalamat ang pamilya Barrameda kay Papa Ronnie. Kung hindi raw sa mga tulong ni Papa Ronnie, baka natabunan na ang kaso at hindi na na-locate ang kinaroroonan ng bangkay ni Ruby Rose.

* * *

Kaarawan ni Ruby Rose noong Biyernes. Nagpamisa at dumalaw sa kanyang libingan sa Manila Memorial Park ang pamilya niya.

Nangako ang mga Barrameda na hindi sila titigil hanggang hindi napaparusahan ang mga utak sa pagpatay kay Ruby Rose.

Pinatawad na nila si Manuel Montero, ang tauhan ng biyenan ni Ruby Rose na umamin na siya ang killer. Na-guilty daw siya sa kanyang ginawa at ito ang ugat ng pagsuko niya sa mga pulis.

Kung hindi kumanta ang killer, hindi na makikita ang katawan ni Ruby Rose dahil inilagay ito sa sementadong drum at inilagay sa sementadong steel cabinet at saka inilubog sa dagat ng Navotas.

* * *

Buntis nga pala si Rochelle. Ruby ang ipapangalan niya sa ipinagbubuntis kung babae ito.

Nagiging emosyonal si Rochelle sa tuwing napag-uusapan si Ruby Rose dahil close na close sila. Si Ruby daw ang kanyang bestfriend.

Nawala si Ruby noong March 14, 2007 at alam n’yo ba kung kailan manganganak si Rochelle? Sa March 14, 2010! Isa lamang ito sa mga hiwaga ng buhay na mahirap ipaliwanag dahil si Lord lamang ang tanging nakakaalam.

* * *

Walang plano na kumandidato sa 2010 si Congressman Timmy Chipeco ng 2nd District ng Laguna dahil hindi pa tapos ang kanyang term.

Nagpunta siya sa presscon ni Senator Manny Villar bilang suporta sa kanyang mga kaibigan na katulad niya eh mga tagapag-salita ng Nacionalista Party.

Mga guwapo ang spokesmen ng NP kaya ‘Papables’ ang tawag sa kanila. Puwede nga silang mga leading man sa mga teleserye.

Si Timmy ang pinakabata sa Papables at siya ang binata. May mga asawa na kasi sina Gilbert Remulla, Atty. Adel Tamano, TG Guingona at Congressman Rimpy Bondoc.

Bago ka makalimutan, mahigpit ang bilin ni Timmy na batiin ko ng belated happy birthday ang kanyang tatay, si Calamba City Mayor Joaquin Chipeco, Jr. Kahapon ang birthday niya. Happy birthday Mayor Chipeco!