Kinsa'y orihinal nga Darna?
CEBU, Philippines - Sa usa ka panagtapok sayo ning semanaha, nalakbitan namo sa akong mga kaubanang echosera kun kinsa ba gyod ang orihinal nga Darna? May mitubag nga si Gina Parreño kuno. Samtang dihay nakahinumdum sa super ka-bigot nga Darna nga si Anjanette Abayari ang midala. Ug ang hapit na lang mahabwa nga dughan ni Angel Locsin sa dihang gipasalida na kini isip serye sa telebisyon. Apan diha sab mitimang nga dili gyod malalis nga si Vilma Santos maoy kinadaghana’g bersyon sa maong karakter. Sa nakalabay’ng adlaw, milupad na si Marian Rivera isip ang Darna sa kasamtangang panahon. Apan kinsa man gyod ang unang nahimong Narda/Darna diay?
Pwes ani-a ang trivia nga nabangalan nako’s dagitabyan: Rosa del Rosario (Rose del Rosario Stagner iyang tinood ngan ug natawo niadtong 1916) maoy labing unang Darna sa pelikula. Matod pa nga American citizen ang iyang amahan samtang ang iyang inahan taga-Pampanga. Matawag nga film debut niya ang “Ligaw na Bulaklak” (1929), isip anak ni Carlos Padilla, amahan ni Carlos Padilla, Jr. (ang boxing referee nga amahan sab ni Zsa Zsa Padilla).
Gihulagway si Rosa del Rosario nga “one of the most popular actresses during the Golden Age of Pinoy filmmaking, tucking over 60 movies to her credit but it was her live-action portrayal of the Filipina superheroine Darna in 1951 that made her and the character both a household name.”
Ang labing unang lilas nga Darna gidirehe ni Fernando Poe, Sr. ubos sa Royal Films nga siya sab ang producer. “A faithful adaptation of the komiks serial, the production brought in hundreds of live snakes and eels for the movie,” paghulagway sa naanhing nang director.
Gani, si Rosa del Rosario kinahanglan pang itunton gikan sa usa ka helicopter aron lang makagama og mga special effects alang sa iyang mga flying scenes.
Migawas sab si Rosa del Rosario sa Hollywood, sa mga lilas “Border Bandits” ug “Anna and the King”. Human sa iyang career dinhi sa Pilipinas nga milanat hangtod 1954, milangyaw siya balik sa yutang natawhan sa iyang amahan ug didto na siya bawii sa iyang hinulamang kinabuhi.
- Latest
