Rhian mas pinaboran ng mga bossing ng GMA 7
Mama Salve, nalibang ako sa panonood ng Darna noong Lunes kaya hindi ko napanood ang May Bukas Pa.
Kasi naman, na-entertain ako sa mga eksena ng Darna as in parang bumalik ako sa pagkabata.
Naloka lang ako sa mga role nina Rita Avila at Jestoni Alarcon dahil natsugi kaagad ang mga karakter nila. Naigsian ako sa kanilang mga special participation.
Porke nalibang ako sa panonood ng Darna, hindi ko nasilayan ang guesting ni Mang Dolphy sa May Bukas Pa. Hindi ko na rin nalaman kung bakit biglang nagkaroon ng mga ahas sa buhay ni Santino.
* * *
Kahapon ang presscon ng Belo Medical Clinic para kay Jinkee Pacquiao. Kung ako ang babae, talagang maeengganyo ako na pumunta sa Belo Medical Clinic dahil sa transformation ni Jinkee.
Parang hindi apat ang anak ni Jinkee dahil mas maganda ang kanyang katawan ngayon kesa noon.
Malaki ang pasasalamat ni Jinkee kay Dra. Victoria Belo dahil malaki ang naitulong nito sa kanya para maging seksi siya.
Katawan at balat lang ni Jinkee ang inaalagaan ni Mama Victoria. Walang niretoke sa mukha ni Jinkee dahil walang dapat baguhin sa kanyang face. Takot din si Jinkee na magpaayos ng mukha kaya hindi totoo ang tsismis na binago ang kanyang ilong at mata. Magic lang ‘yon ng make-up!
* * *
Sure ako na napansin ninyo na Mama Victoria at hindi Mama Vicki ang tawag ko kay Dra. Belo.
Mula ngayon, Victoria na ang gusto ni Dra. Belo na itawag sa kanya na hindi naman problema dahil ‘yon talaga ang kanyang totoong pangalan.
Hindi ko knows kung ipina-feng shui ni Mama Victoria ang name nito kaya ayaw na niya na magpatawag ng Vicki. Naniniwala kasi si Mama Victoria sa feng shui.
* * *
Naglaro ng boxing ang mga reporter at si Gorgy Rula ang nag-win dahil na-KO niya si Bernard Cloma.
Nakakalokang panoorin ang laro dahil may halong violence ha? Tilian ang mga tao sa presscon dahil makatotohanan ang umbagan nina Gorgy at Bernard huh? Ang ending, nagsayaw na lang sila at kung sino ang sumayaw nang pinakaseksi, yon ang nag-win.
* * *
Happy si Rhian Ramos sa kanyang new hairstyle para sa Stairway To Heaven. Marami raw ang pumupuna na bagets na bagets siya dahil bumagay sa kanya ang bagong gupit na buhok.
Mag-uumpisa na ang taping nina Rhian at Dingdong Dantes. Sila ang mga bida sa bagong teleserye ng GMA 7.
Si Maxene Magalona ang naging mahigpit na kalaban ni Rhian para sa role ni Jodi, ang bidang babae sa Stairway To Heaven. Nagkaroon ng botohan ang mga bossing ng Kapuso network at si Rhian nga ang nag-win para maging kapareha ni Dingdong.
- Latest
