Shalani, ang uyab ni Senator Noynoy
CEBU, Philippines - Migawas karon ang mga hungihong nga dunay girlfriend si Senador Noynoy Aquino ug kini siya walay lain kundili si Valenzuela city councilor Shalani San Ramon Soledad.
Natawo si Shalani sa Catanduanes niadtong 1980 ug nakahuman sa kursong B.S. in Human Resources Management sa De La Salle University.
Nahimo kini nga executive staff ni Senator Panfilo Lacson niadtong tuig 2002-2003 ug napili usab kini nga konsehal sukad niadtong 2004.
Kahinumduman nga bisan kinsa nga mga personalidad ang na-link niadto sa senador sama nila ni Korina Sanchez ug Bernadeth Sembrano nga puros na dunay tagsa-tagsa ka mga hinigugma. Lakip si Barbara Millano nalambigit pod kang Noynoy kaniadto. Samtang niadtong 2003, usa ka Joy Herrera ang nahimo niya nga girlfriend.
Wala matino kanus-a nagsugod ang relasyon sa duruha pero daghan ang nagtuo nga taud-taud na ug nahimamat na si Soledad ni kanhi Presidente Corazon Aquino. Kini tungod kay matud pa, didto si Soledad sa studio niadtong miduwa si Noynoy sa Deal or No Deal ni Kris Aquino... Mga detalye gikan sa http://blog.cathcath.com (Sanden J. Anadia)
- Latest
