Sambayanang Pilipino magbibigay-pugay kay Cory

MANILA, Philippines - Hindi napigilan ng malakas na ulan ang mga Pilipino sa pag-alala sa buhay ng yumaong dating pangulong Corazon Aquino. Kasama si Sol Aragones tunghayan ngayong Lunes ang pagbibigay-pugay ng mga Pinoy kay Cory sa Kalye: Mga Kuwento ng Lansangan.

Mistulang lumuluha ang ulap at napuno naman ng dilaw ang kalye noong Sabado (Aug 1). Matapos ang mahigit isang taong pakikipaglaban sa colon cancer, tuluyan na ngang namayapa ang itinuturing na simbolo ng demokrasya sa bansa.

Dahil dito, nagdeklara ang pamahalaan ng sampung araw na pagda­da­lamhati na ngayo’y nagbubuklod sa bansa. Pupulsuhan ni Sol kung paano tinatanggap ng masa ang pagpanaw ng isa sa pinaka-popular na lider ng bansa.

Samantala, aalamin naman ni Atom Araullo kung paano labanan ang hipnotismo na ‘diumano’y ginagamint ng Budol-Budol Gang upang maka­pag­nakaw sa mga tao.

Si Anthony Taberna naman ay mag-iikot sa Kamaynilaan sa paghahanap ng taxi na nag-iisyu ng resibo.