Pia walang oras sa pelikula kasama si Vic
Marami ang nagulat nang mamataan ang isa sa mga hottest Kapuso actor na si Dingdong Dantes sa bakuran ng ABS-CBN.
Pero bago pa man mag-conclude ang iba, agad klinaro ni Dingdong na kaya siya nakita sa ABS-CBN ay dahil siya ang guest VJ ng MYX sa buwan ng Agosto at ito’y may kinalaman sa kanyang music video album under Universal Records na kanyang pinu-promote ngayon.
Paano kung magkasalubong sila ni Karylle sa bakuran ng ABS-CBN?
“Siyempre babatiin ko siya and I’ll tell her that she’s got a nice place here (ABS-CBN),” pahayag ni Dingdong.
Speaking of Dingdong, mukhang nase-sentro na kay Rhian Ramos ang attention ng GMA management na siyang maging next leading-lady niya sa Pinoy remake ng Koreonovela na Stairway to Heaven. Kung si Marian Rivera ay may bago nang leading man sa katauhan ni Mark Anthony Fernandez sa Darna, si Rhian naman kay Dingdong.
Speaking of Rhian, ngayong Aug. 7 na magtatapos ang Zorro nila ni Richard Gutierrez.
Si Richard naman ay may bago ring sisimulang project, ang local remake ng Full House kung saan naman niya muling makakatambal si Heart Evangelista.
* * *
Marami ang nagtataka kung bakit hanggang ngayon ay hindi pa rin nakakasama ni Vic Sotto bilang leading-lady sa pelikula ang longtime girlfriend niyang si Pia Guanio. Kung meron man ay hanggang cameo role lang ang papel ni Pia.
Ayon kay Vic, maganda sanang idea pero ang problema ay ang schedule ni Pia. Araw-araw itong nasa Eat Bulaga mula Lunes hanggang Sabado, araw-araw din sa 24 Oras - Lunes hanggang Biyernes at kapag araw naman ng linggo ay meron itong Showbiz Central. Practically, everyday ay nasa telebisyon si Pia kaya halos wala na itong oras para mag-shoot ng pelikula.
Although parehong busy sina Vic at Pia, nagkakasya na lamang sila sa araw-araw nilang pagsasama sa Eat Bulaga.
* * *
Dahil sa pagiging hit ng Only You nina Diether Ocampo, Angel Locsin at Sam Milby, tiyak na may follow-up TV projects ang tatlo sa bakuran ng ABS-CBN sa magkakahiwalay na proyekto. Si Angel ay may sisimulang pelikula sa Star Cinema na pagsasamahan nila ni Aga Muhlach.
* * *
Personal : Gusto kong i-congratulate ang anak kong si Aila Marie Reyes na second placer sa speech contest na kanyang sinalihan sa KCP International Japanese School sa Tokyo, Japan kung saan siya nagi-eskuwela. Out of 35 contestants (all foreign students), pumangalawa siya.
Congrats anak…
- Latest
