Cristine walay primetime show!

CEBU, Philippines - Walay primetime show si Cristine Reyes sa ABS-CBN bisan pa man sa iyang subling pagpirma og kontrata niadtong milabay nga adlaw. Tsika sa www.stir.ph nga sunod tuig pa mahitabo ang gisaad sa network nga primetime show ngadto sa kontrobersyal nga aktres. Ang Cristine Drama Series matud pa mahimutang sa afternoon slot pinaagi sa Precious Hearts Romances, samtang karong Agosto mogawas pod ang iyang Your Song Presents episode matag Dominggo sa hapon.

Rosalinda Fans Day sa Cebu

Nakilig na pud ang publiko human milenngua og matam-is nga pulong si Geoff Eigenmann ngadto kang Carla Abellana nga nagkanayon “She’s someone I can see that I can spend the rest of my life with.” Ang duha ka bida sa Rosalinda maoy molingaw karong adlawa sa mga Kapusong Sugbuanon pinaagi sa usa ka afternoon show sa Metro Ayala . Moapil usab sa paglingaw ang nailhan na nga Fedra nga si Katrina Halili.

Willie modonar og 150K sa conjoined twins

Gibutyag ni Willie Revillame sa iyang programang Wowowee kagahapon nga mohatag siya og P150,000 nga donasyon alang sa conjoined twins nga kasamtangang na-confine karon sa Philippine Heart Center sa Quezon City. Kini human usab siya nakadawat og P2M nga donasyon gikan sa wala magpaila nga donor.

Kapamilya ug Kapuso stars malampuson sa TV5

Misaler gyud pangagpas sa TV5 nga mo-click gyud sila sa publiko gumikan sa pagkuha nila og mga talents gikan sa Kapamilya ug Kapuso. Kini maoy gipadayag sa senior vice president and head of brand management sa TV5 nga si Jasper Evangelista .

Korina todo depensa ni Mar

Gidepensahan ni Korina Sanchez ang iyang boyfriend nga si Senador Mar Roxas kinsa nakadawat og pagsaway gikan sa kampo ni Presidente Gloria Arroyo. Butyag pa ni Korina nga nag-atubang og daghang anomaliya si Arroyo nga wa gyud matubag hangtud karon.

Alexa o Camille?

Kulbahinam ang episode karong gabii sa Are You the Next Big Star? gumikan kay masayran na kung kinsa nila ni Alexa Ortega ug Camille Cortez ang matsugi sa maong show.

Manny gitambagan ni Atienza

Kung siya ang pangutan-on , mas feel ni DENR Secretary Lito Atienza nga modagan si Manny Pacquiao ubos sa usa ka partylist group aron makahatag kini og dugang kalamboan sa natad sa sports.

Autopsy result ni MJ na-delay

Giingong malangan pa gyud ang pag-release sa autopsy report sa patay’ng lawas ni Michael Jackson . Gituohang ma-release kini next week.

Isyu kang Marjorie di tinuOd

Gipadayag sa kampo ni Marjorie Barretto nga dili tinuod ang tsismis nga nanganak ang aktres sa Amerika. Matud pa nga naa karon sa Quezon City ang aktres ug dili kini mabdos busa way basihan ang maong tsismis

A song for Cory

Mihimo na og kaugalingong version si Christian Bautista sa awit nga “I Have Fallen In Love With The Same Woman Three Times” ug iya kining gi-didicate kang kanhi presidente Corazon Aquino nga nag-antos karon sa sakit nga cancer. Ang nahisgutang awit maoy titulo sa love poem nga sinuwat sa bana ni Cory nga si anhing Benigno “Ninoy” Aquino, Jr.

Xian disappointed

Mismo ang usa sa mga bida sa Katorse nga si Xian Lim ang na -disappoint gumikan kay hangtud karon wa pa gyud ma-ere ang maong serye. (Sanden J. Anadia)