Tatay ng P.A. ni Richard na namatay dating opisyal ng MNLF

Seen : Ang mga yellow ribbon sa mga damit ng mga host, guest at audience ng SOP bilang pakikisimpatiya kay dating Pangulo Cory Aquino sa pakikipag­laban nito sa sakit na colon cancer.

Scene : Naglagare kahapon si Judy Ann Santos sa ASAP at SOP dahil sa promo ng Oh My Girl. Mamaya ang premiere night ng OMG sa Trinoma Cinema.

Seen : Ex-official ng Moro National Liberation Front si Ramon Pardo, ang ama ng namatay na PA ni Richard Gutierrez. Si Ramon ang nagpayo sa biyuda ng kanyang anak na idemanda si Richard.

Scene : Uploaded sa Youtube ang performances ni Rhap Salazar sa World Championships of Performing Arts. Si Rhap ang Junior Grand Champion Solo Vocalist of the World and Junior Grand Champion Performer of the World at siya ang gumanap na gay son ni Robin Padilla sa Bongga Ka Boy. Magaling bumirit si Rhap at mga kanta na pambabae ang kinanta niya sa WCOPA.

Seen : Ang masundan ang kanyang pelikula sa Star Cinema ang 36th birthday wish ni Diether Ocampo dahil four years old na ang huling movie project niya sa movie outfit ng ABS-CBN.

Scene : Ang Stairway To Heaven ang next project ni TJ Trinidad sa GMA 7. Si TJ ang kontrabida ni Richard sa Zorro.

Seen : Isang buwan na mapapanood tuwing Sabado ang A Woman For All Seasons, ang TV documentary special ni Vilma Santos sa ABS-CBN.

Scene : Ang Optimum Teleserye Queen title na ibinigay ng ABS-CBN kay Claudine Barretto.