Sarah at Zaijan back-to-back sa mag

MANILA, Philippines - Makakasama ng StarStudio mag August 2009 issue ang breakout star ngayong taon na si Zaijian Jaranilla (Santino ng May Bukas Pa) at ang box-office sweetheart na si Sarah Geronimo sa isang special double cover.

Alamin kung bakit sa tingin ng mga taong nakakatrabaho ni Zaijian na siya na ang susunod na Niño Muhlach, ang nag-iisang kinikilalang male child superstar sa kasaysayan. Samantala, ikukuwento naman ng pamilya, mga kaibigan at mga mentor ni Sarah ang pag-angat ng pop star bilang isang tunay na bituin. Dagdag pa rito, babalikan ng StarStudio mag ang pagbabago ni Sarah sa kanyang fashion style.

Makikita rin sa StarStudio ang exclusive coverage ng Star Magic World Tour noong nakaraang June sa US, mula sa rehearsal sa Manila hanggang sa mga shows nila. Sa StarStudio rin makikita ang reunion ni Claudine Barretto kasama si Tina Yan, isa sa mga kapatid ni Rico Yan.     

Lahat ng ito at sangkatutak na mga pictures mula sa iba’t ibang showbiz events ang naghihintay sa StarStudio special August 2009 issue, available sa mga bookstores at newsstands nationwide sa halagang P85 bawat kopya.