Echo 2 beses nang naisama sa sinehan si Heart
ASAP ’09 has proven that real life partner-singers Billy Crawford and Nikki Gil can produce good music together. Marami ang kinikilig kapag napapanood silang kumakanta na magkasama. Kitang-kita sa kanilang mga kilos at sa galaw ng kanilang mga katawan ang damdamin nila sa isa’t isa.
Hindi naman lihim sa lahat ang kanilang relasyon. Bagama’t tampulan sila ng pagbibiro ng kanilang mga kasamahan sa show, naroon din ang paggalang sa kanilang damdamin. Inspirasyon sa marami ang kanilang relasyon.
Susubukan ng ABS-CBN na ilagay sa pagsubok hindi lamang ang kanilang tambalan kundi maging ang kanilang kakayahan sa Sabado ng gabi sa pagtatampok sa kanila sa isang love story sa Maalaala Mo Kaya –MMK-.
Lahat ng artista na lumabas sa MMK came out with flying colors. Ganito rin kaya ang maganap sa dalawa? May mapiga kayang husay sa pag-arte sa kanila sa kanilang pagganap bilang ill fated lovers sa pinakamahusay na drama anthology sa telebisyon?
Abangan sila sa Sabado ng gabi.
* * *
I’m sure hindi makakaapekto sa pagbababalik-telebisyon ng tandem nina Jericho Rosales at Kristine Hermoso ang nababalitang pagkakamabutihan na naman ng aktor sa kanyang ex-girlfriend na si Heart Evangelista.
After all, may sarili namang lovelife si Kristine, palagi silang nakikitang magkasama ng publiko ni Oyo Sotto, ang pinaka-latest ay sa isang basketball game. Tanggap na ng lahat ang kanilang relasyon.
May nakakita rin kay Jericho, nang manood ito ng sine na kasama si Heart. Hindi niya ito itinanggi when confronted.
“Actually twice na kaming nanood ng sine, kamakailan lamang. Madalas naman kaming magkita sa church. Minsan binigyan kami ng Diyos ng pagkakataon, inimbita ko siya at dahil wala namang masasaktan sa aming paglabas, sumama siya.
‘’Nag-usap lang kami, may mga bagay kaming naiwan sa aming nakaraang relasyon. Ngayon pinipilit naming kahit maging magkaibigan man lamang. We’re working on our having peace and healing,” anang aktor na katulad ni Heart ay maganda ang takbo ng career.
Bukod sa kanyang dumaraming product endorsement, katatapos lang niya ng kanyang matagumpay na konsyerto na nakita ang kanyang musical talent na mas nauna pang hinangaan sa labas ng bansa.
Ibinabalik ng ABS-CBN ang tandem nila ni Kristine sa star-studded series na Dahil May Isang Ikaw kasama sina Lorna Tolentino, Gabby Concepcion, John Estrada, Karylle, Chinchin Gutierrez, at Sid Lucero.
* * *
Tuluyan nang nakakawala si Maricar Reyes sa pangit na imahe na ibinigay sa kanya ng pagkakasangkot niya sa napakalaking eskandalo sa sex video. Salamat sa maagap na pagsaklolo ng kanyang Kapamilya network.
Bukod sa pagbibigay sa kanya ng trabaho sa May Bukas Pa na kung saan ay napanood siya ng maraming televiewers. Nakilala pa nila ang babaeng pinag-uusapan at curious makita ng marami. And what they saw, they liked.
When she was seen next in another weekly series, ang Your Song Presents Gaano Kita Kamahal, naibsan na ang curiosity nila at nakita ang malaking potensyal niya bilang artista.
“She’s pretty and very promising as an actress. It’s good to know that she has somehow moved on. I hope to see her in more projects and hopefully be visible in commercials again,” sabi ng isang avid Kapamilya fan.
- Latest
