Iya nabaid sa Only You

CEBU, Philippines - Gipadayag ni Iya Villania nga na-enjoy siya sa iyang pagka-kontrabida sa Only You.

Dugang pa niya nga nabaid gyud ang iyang acting style gumikan sa maong role.

Nagmalipayon usab si Iya gumikan sa kakusog sa rating sa Only You matag gabii nga gibidahan nila ni Angel Locsin , Sam Milby ug Diether Ocampo.

Ex-Wife ni MJ motambong sa hearing

Gikatakdang motambong sa hearing didto sa Los Angeles Court karong July 20 ang kanhi asawa ni Michael Jackson nga si Debbie Rowe diin hisgutan ang hustong kustodiya sa ilang mga anak nga sila si Prince Michael I ug Paris Michael Katherine.

Pauleen nagpalugit

Bisan unsaun og pugos, dili gyud mosugot si Pauleen Luna nga  mo-pose isip cover girl sa bisan unsa nga men’s magazine sama sa FHM.  Kung kahinumduman nahimutang sa Top 9 si Pauleen sa bag-ohay pa lang nga FHM’s Finest or Sexiest Women of 2009. Kutob ra siya sa maong pasidungog pero di gyud siya magpa-sexy kay conservative ang iyang pamilya. 

Carla Sa “Ang Nanay Kong Aswang”

Gibutyag na sa Regal Entertainment ang titulo sa unang  pelikula ni Carla Abellana ug kini nag-ulohan og Ang Nanay Kong Aswang nga dunay horror  and comedy concept . Sugdan na ang shooting niini sa hinapos nga bahin karong buwana.

Daisy Siete Season 3 Gipangandaman

Mapasalamaton si   Joy Cancio ug ang Sexbomb Group   sa positibong feedback nga ilang nadawat sa hinapos na nga season 22 sa Daisy Siete nga Kambalilong. Nangandam na usab sila sa season 3 nga nag-ulohan og ChaCha Muchacha ug bituonan kini ni Rochelle Pangilinan. Si Kurt Dino maoy gikatahong mapares ni Rochelle sa maong season.

Venus mipa-hugyaw sa mga viewers

Gikatahong mikusog og samot karon ang afternoon series nga Kambal sa Uma sukad misulod si Venus nga maoy bag-ong personalidad ni Melissa Ricks(Ella). Sulod niining semanaha, suwayan ni Leon (Jordan Herrera) nga kidnapon si Venus pero dili kini mag-malampuson gumikan sa tabang ni Gab (Matt Evans).

Iwa nakulbaan na

Giangkon ni Iwa Motto nga na-pressure siya og maayo sa papel niya isip  Valentina sa fantaserye nga Darna nga gibidahan ni Marian Rivera. Giangkon sa dalaga nga iyang buhaton ang tanan aron malikay sa mga pagsaway.

Richard Quan matinabangon sa iyang isigkatawo

Hangtud karon nagpadayon ang mga charity works sa TV/ stage actor nga si Richard Quan pinaagi sa pagduaw og nagkalain-laing lugar didto sa kaulohan aron mo-apod apod og mga medisina, pagkaon ug school supplies ngadto sa mga tawo nga nanginahanglan niini. Samtang nalakip usab karon si Richard sa indie film nga Ukay-Hukay kung diin makauban niya sila si Baron Geisler ug Chynna Ortaleza.

Aljur ug Baron nagpinatiray sa Bohol

Giingong nagkabangi sila si Aljur Abrenica ug Baron Geisler sa nagpadayong shooting nila didto sa Bohol alang sa pelikulang I’ll Be Waiting For You (unang gikataho nga Narito Ako, Umiibig Sa ‘Yo).

Matod pa sa nadawat nga taho sa PEP (Philippine Entertainment Portal), nga nahitabo ang panagbangi sa duha kagahapon sa 4:30 sa kadlawon diin gikuhaan og fight scene ang duha.

 “Tatadyakan at itutulak ni Baron si Aljur ang eksena then lalaban si Aljur. Susuntukin niya si Baron at aawayin siya ni Lloyd Samartino. Tinototoo ni Baron ang pagtadyak kay Aljur kaya nadala rin ang huli sa eksena,” nagkanayon ang tinubdan sa PEP.

 Nainit ang duha ka kampo busa nahitabo gyud ang pisikal nga engkwentro ug maayo gani kay nauwang kini nila ni Lloyd ug Ana Capri.

“Nag-lecture pa si Baron kay Aljur na ayusin ang pag-arte bago ang stunts. Nagbanta pa siya na, ‘Do that again and I will punch your face!’,” dugang pa sa tinubdan.

Kalmado lang si Aljur busa wala na lang niya patuli ang mga pasumbingay ni Baron.

 Ang maong hitabo nahibaw-an na sa producer sa maong pelikula nga si Mother Lily Monteverde ug buot kini mohinabi kang Baron alang sa posibleng sanction alang nini.

Ang I’ll Be Waiting For You maoy launching movie nila ni Aljur ug Kris Bernal ubos sa Regal Entertainment.

Freddie midepensa sa iyang kaugalingon

Giingong midako karon ang isyu kabahin sa pagtawag ni Freddie Aguilar og unggoy nila ni Charice Pempengco, Gary Valenciano ug Arnel Pineda.

Pero sa taped interview sa The Buzz kagahapon mipagawas og ikaduha nga statement si Freddie pinaagi sa pagdepensa sa iyang kaugalingon nga nagkanayon , “Hindi ko kayo (Charice, Gary , ug Arnel) tinawag na unggoy. Kayo mismo ang nagpatawag ng unggoy sa sarili ninyo.”

Matud pa nga wa niya tawga og unggoy ang nahisgutang mga singers , “gaya-gaya” lang ang gihatag niya nga paghulagway niini.