Rap and Dance Contest sa Quezon City
MANILA, Philippines - Ang kalulunsad lang na pinagsamang Rap and Dance Contest sa Quezon City ay magkakaroon na ng elimination ngayong araw, Hulyo 12, 2009 sa Amoranto Theater. Sa ganap na alas-6 ng gabi ito sisimulan hanggang sa matapos ang mahigit isang daang aplikante mula sa iba’t ibang barangay ng lungsod. Susundan ito ng isa pang elimination sa Hulyo 21, 2009.
Sa unang elimination, mayroong mga guest performer na magbibigay inspirasyon sa mga contestant tulad ng Gloc 9, Sly Kane, Urban Flow and Mike Swift and John. Mayroon din mga surprise guest na magmumula pa sa Estados Unidos na magpi-perform.
Ang semi-finals ay isasagawa sa Agosto 19, 2009, samantalang ang finals ay sa Setyembre 5, 2009.
Mahigit P100,000 lahat ang mga pa-premyong ipamimigay sa mga magwawagi sa iba’t ibang kategorya.
Sa unang elimination, magkakaroon ng parangal sa great martial artist na si Roland Dantes.
Si Kon. Ariel Enrile Inton ang siyang main sponsor ng paligsahan at si Master Joseph Mabacquiao naman ang organizer.
- Latest
