Hayden feel na feel ang pagkaway sa fans
Michael Jackson! Michael Jackson! Si Michael Jackson ang favorite topic sa dalawang presscon na pinuntahan ko kahapon, ang presscon ng Channel V at ang pa-presscon ng Ever Bilena kay Sarah Geronimo na nag-renew ng kontrata sa Careline Cosmetics.
Napuyat-puyat ang mga reporters dahil pinanood nila ang live coverage ng memorial service para kay Michael.
Wala akong power na magpuyat kaya hindi ako naka-relate sa kuwentuhan ng press pero pareho kami ng tanong ni Larry King, where is the body?
Sarado ang kabaong ni Michael sa memorial service kaya hindi tayo nakakasiguro kung may laman ang kanyang ataol.
Bakit wala pang nakakaalam kung saan inilibing ang kanyang bangkay? Hanggang sa kanyang kamatayan, maraming misteryo tungkol kay Michael na naghihintay ng kasagutan.
Panonoorin ko na lang ang replay ng memorial service dahil type kong makita ang pinag-uusapan na pag-iyak ni Paris Katherine. The who si Paris? Siya ang anak na babae ni Michael na biglang naging darling of the crowd dahil sa kanyang crying scene.
***
Kung magkuwentuhan ang mga reporters, parang kilala nila ng personal si Michael. Siyempre, nakisawsaw na rin ako sa isyu.
Pinag-uusapan kung kanino dapat mapunta ang custody ng tatlong anak ni Michael dahil may edad na rin ang kanyang madir na si Katherine.
Ang suggestion ko, paalagaan kay Janet Jackson ang kanyang mga pamangkin dahil may kapasidad siya. Bagets pa si Janet at sa pagkakaalam ko, wala pa siyang anak kaya mas makabubuti na siya na lang ang magpalaki sa mga bagets.
***
May nagkuwento sa akin na nadagdagan na naman daw ang mga sex videos ni Dr. Hayden Kho, Jr. na na-upload sa Internet.
Dapat pa ba akong magtaka eh mismong si Hayden ang nagsabi na maraming lamang videos ang kanyang laptop?
Nakakuwentuhan ko nga pala si Wilson Lee Flores sa presscon ng Channel V. Nainterbyu ni Wilson si Hayden para sa July 2009 issue ng S Magazine.
Ang sey ni Wilson, nagulat siya habang nag-uusap sila ni Hayden dahil panay ang wave nito sa ibang tao na nasa loob ng restaurant na pinagdausan ng kanilang interbyuhan portion.
Nagtaka pa si Wilson. Hindi ba niya alam na feel na feel ni Hayden ang pagiging celebrity? Type na type ni Hayden na pinag-uusapan ito kaya wala sa kanyang hitsura na affected siya ng sex video scandal na kagagawan niya.
Baka nga nalungkot si Hayden nang matsugi si Michael Jackson dahil kahit papaano, natabunan nito ang kanyang sex scandal.
***
Nagkita kami ni Joey Reyes sa presscon ng Channel V dahil siya pala ang creative director ng Makisig Channel.
Mapapanood ang Channel V sa Makisig Network at ang sey ni Joey, malalaki at magaganda ang kanyang mga plano.
Magkakaroon ng sariling reality show ang Makisig Network pero original ito at hindi franchise ng mga reality shows na mula sa ibang bansa.
Napaka-creative ni Joey. Knowing him, makakaisip siya ng bonggang reality show na puwedeng ilaban sa mga reality shows ng mga leading TV network.
- Latest
