Umaabot nga pantasya sa kahaponon

CEBU, Philippines – Siya ang bag-ong lalaki nga mokawat sa inyong imahinasyon aron mamahimo ninyong patasya, pinaagi sa labing bag-ong teleserye sa ABS-CBN, ang Maria de Hesus Angel ng Lansangan nga magsugod na karong Lunes sa hapon. Ang iyang ngalan, William Levy (tinuod ngalan ni William Levy Gutiérrez) nga nahimugso niadtong August 29, 1980 sa Cojimar, Havana Cuba. Suma pa sa wikepedia.com, kamaguwangan siya sa tulo ka managsuon, diin gikan sa Cuba, mibalhin og puyo ang ilang pamilya sa Miami dihang nag-edad pa lamang siya og 14 years old. Didto sa Miami nahimo siyang star baseball player ug sa kolehiyo mikuha siya og Business Administration ubos sa usa ka athletic scholarship. Pero miundang siya human sa duha ka tuig, aron mag-artista, diin nagtuon siya og acting sa Miami, Los Angeles, ug Mexico City. Gihulagway siya sa wikepedia.com nga “ Latin Brad Pitt.”