Kris tumangging magpa-interview

Seen : Si Iwa Moto ang gaganap na Valentina sa Darna na pagbibidahan ni Marian Rivera.

Si Paolo Contis ang gaganap na tatay ni Iwa.

Scene : Ang pagtatapos mamayang gabi ng Totoy Bato, ang action-drama show ng GMA 7 na naging fantaserye.

Seen : Ang halos magkasabay na presscon ng Maxim at FHM noong Miyerkules. Si Jackie Rice ang cover girl ng Maxim, si Aubrey Miles ang cover girl ng FHM.

Unang inialok kay Jackie ang maging cover girl ng July issue ng FHM ngunit pinili ng GMA Artist Center ang Maxim. Contract star si Jackie ng GMAAC.

Seen : Si Kris Aquino sa Makati Medical Center. Tumanggi si Kris na magpainterbyu sa media people na nag-aabang sa mga miyembro ng Aquino family.

Naka-confine sa MMC si dating Pangulong Cory Aquino dahil sa colon cancer. Malubha ang kanyang kalagayan.

Scene : Nakatira si Hayden Kho, Jr. sa Pacific Plaza sa The Fort, hindi sa bahay nila sa Kanlaon St., Quezon City.

Nagkulang sa research ang production staff ng Probe/Profiles.

Seen : Aral sa lahat ng mga artista at mga TV worker ang nangyari kay Diether Ocampo sa Amerika. Huwag sagarin ang sarili sa pagtatrabaho at iwasan ang sobrang pagpupuyat sa mga taping. Huwag abusuhin ang katawan. Health is wealth.

Scene : Aktibo pa rin ang multiply account ni Francis Magalona sa Internet ngunit hindi na updated.