Yasmien lalayasan na ang showbiz

Seen : Ang paglitaw ni Princess Marie Velasco, ang girlfriend ni Dr. Bistek Rosario na sinulot ni Dr. Hayden Kho, Jr.

Idinenay ni Princess na may kinalaman siya sa pagkalat ng mga sex video nina Hayden at Katrina Halili.

Scene : “Daw” ang sagot ng direktor na si Chito Roño sa mga nagtatanong kung totoo ang tsismis na hiwalay na sina Vhong Navarro at Desiree del Valle. Si Chito ang manager ni Vhong.

Seen : Ang matagal na kissing scene nina Aljur Abrenica at Kris Bernal sa presscon ng All My Life. Kung sinuman ang may idea na palagi silang maghalikan, hindi ito makakatulong.

Hindi makatarungan na i-exploit ang loveteam nina Kris at Aljur.

Scene : Claire Kendra ang pangalan ng panganay nina Cheska Garcia at Doug Kramer. Isinilang si Claire noong Huwebes.

Seen : Inalis na sa internet ang www.donottrustmarcabaya.blogspot.com.

Galit na galit ang singer na si Maegan Aguilar dahil muntik nang masira ang pagsasama nila ng kanyang US-based husband dahil kay Marc.

Scene : Dalawang taon na lang ang itatagal ni Yasmien Kurdi sa showbiz dahil mag-aaral siya sa London.

Seen : Lumitaw ang pagkabutangera ni Cristine Reyes sa mga text message na puno ng masasamang mura na ipinadala niya kay RR Enriquez.

Si RR ang dahilan kaya ayaw nang bumalik ni Cristine sa Banana Split at gusto na niya na lumipat sa GMA 7.

Scene : Ang Filipino fans ni Michael Jackson na hindi matanggap na patay na ang King of Pop.