Maricar Reyes bida sa kaugalingong show

CEBU, Philippines – Dili na gyud kapugngan si Maricar Reyes tungod kay gawas sa iyang guesting sa May Bukas Pa diin “taong grasa” ang iyang papel, nagsugod na siya og taping para sa Your Song Presents: Gaano Kita Kamahal, diin siya maoy bida, nga hapit na kaayo isalida.

Tsika sa ABS-CBN.com piano teacher ang role ni Maricar nga mapakyas sa gugma tungod kay gisunod niya ang iyang pagbati. Makauban ni Maricar sila si Jodi Sta. Maria, Sid Lucero, Boom Labrusca, Bettina Carlos ug Quintin Alianza.

Niadtong Sabado, June 20, 25th birthday ni Maricar ug gisorpresa siya sa cast, staff ug crew sa Your Song Presents: Gaano Kita Kamahal, atol sa promo shoot.

Si Maricar ang kanhi uyab ni Dr. Hayden Kho Jr., kansang sex video gipistahan pod sa publiko.