Marian di feel si Katrina?

Puwes nabalaka na usab karon ang mga fans ni Marian Rivera kay duna na pu’y mga panaot nga nanggawas batok sa ilang idolo. Milenggua matod pa si Marian nga dili kini gusto nga iyang makauban si Katrina Halili sa umaabot niya nga serye sa GMA-7 nga “Darna”. Hinuon sa unang padayag ni Marian miingon kini nga way problema kaniya nga makauban si Katrina sa iyang serye busa dakong bakak ang migawas nga bad publicity sa aktres.

Ogie “no comment” kabahin kang Michelle

No comment lang si Ogie Alcasid sa balita nga kaslunon ang iyang ex-wife nga si Michelle Van Eimeren sa gikarelasyon niini nga si   Mark Murrow karong Nobiyembre.   

“Hindi ko alam ang tungkol d’yan, narinig ko lang. Kung may in-announce man siya sa Facebook, para sa friends niya ‘yun. Hayaan n’yo na sila, private sila at respetuhin na lang natin, but I’m very happy for them, of course,” matud pa ni Ogie.

Roselle mobalik sa iyang singing career

Mobalik na usab pagsidlak ang career ni Roselle Nava gumikan kay bag-ohay pa lang kini mipirma og three-year contract sa Viva Artists Agency (VAA) ug five-year contract sa Viva Records . Kasamtangang gihulma sa singer ang umaabot niya nga album ug giingong sa Agosto ang tentative nga pag-release niini. Samtang excited na usab ang singer sa umaabot niya nga concert diin iyang makauban sila si Rachelle Alejandro, Geneva Cruz ug Jessa Zaragoza karong August 28 ug 29 sa SM City SkyDome ug nag-ulohan kini og “Ladies of the 90’s.”            

Angel defensive

Matud pa nga dili dawaton ni  Angel Locsin kung dunay mo-offer kaniya   alang sa role ni Elsa sa “Himala” ni Nora Aunor. Dili gusto nga maglagot kaniya ang mga Vilmanians kinsa nangluod kaniya gumikan sa iyang pagdayeg kang Nora .

Award nila ni Loydie ug Sarah nag-atang na

Karong June 21 , pormal na nga dawaton nila ni John Lloyd Cruz ug Sarah Geronimo ang award isip “2009 Box Office King & Queen” sa Guillermo Mendoza Memorial Scholarship Foundation nga himoon sa Makati City. Duna pa’y duha ka awards si Sarah nga naglangkob sa “Female Concert Performer of the Year” ug “Female Recording Artist of the Year.”

Birthday party ni John kanselado

Magul-anon ang birthday ni John Estrada niadtong June 14, gumikan sa pagkataliwan sa iyang manager nga si Douglas Quijano. Kanselado ang gikatakdang 36th birthday party ni John gumikan kay bout niya ibubo ang iyang atensiyon sa pag-atiman sa haya sa iyang manager. Matud pa ni John nga dili gyud niya malimtan ang iyang Tito Dougs kay mao kini kanunay ang mohatag kaniya og advice sa mga krisis nga naabot sa iyang kinabuhi.

Bea wa maapektohi sa isyu

Very vocal si Bea Alonzo sa pag-ingon nga wa gyud siya maapektuhi sa tsismis nga matod pa duna sila’y sex video ni Dr. Hayden Kho . Matud pa ni Bea nga dili niya kini angay kabalak-an sanglit dili man kini tinuod. Kung kahinumduman gidepensahan si Bea niadto ni Eric Chua kinsa miingon way sex video ang aktres kang Hayden.

Ruffa wa pa’y planong mouli sa ilang balay

Gipadayag ni Ruffa Gutierrez nga sa pagka-karon,   wa pa siya’y plano nga mouli sa ilang balay bisan pa man nga nagtingog na sila sa iyang inahan nga si   Annabelle Rama. Matud pa sa actress/TV host nga mas maayo nga duna sila’y space tali kanila sa iyang inahan gumikan kay parehong kusog ang ilang mga personalidad.

KC nagtangag og tulo ka titulo

Dili makatambong si KC Concepcion sa Guillermo Mendoza Memorial Scholarship Foundation Awards Night karong Domingo gumikan kay tua kini karon sa US alang concert tour nila sa iyang mommy nga si Sharon Cuneta. Awardee ang anak sa mega star sa tulo ka mga titulo nga naglangkob sa “Princess of Philippine Movie & TV,” “Most Promising Female Star of Movies & TV” ug “New Female Recording Artist of the Year (Most Promising Singer).” (Sanden J. Anadia)