Negosyo ni Belo 'di apektado
Nagpunta kagabi sa Heritage Park ang mga empleyado ng GMA 7 dahil nakiramay sila sa mga naulila ni Douglas Quijano.
Kapuso night ang tawag dahil ang GMA 7 ang toka sa misa para kay Douglas.
Maganda ang relasyon ni Dougs sa GMA. Karamihan sa kanyang mga talent ay Kapuso, sina Richard Gomez, Lucy Torres, Joey Marquez, Wendell Ramos, Antonio Aquitania, Gelli de Belen, Janice de Belen at ang magkakapatid na Anjo, Ryan at Jomari Yllana.
Mami-miss si Douglas ng mga talent coordinator, executive producers at bossing ng GMA 7 dahil madali siyang kausap. Hindi siya nagbibigay ng problema sa production staff.
Mamayang gabi naman ang PAMI night sa Heritage Park. Ang PAMI naman ang in-charge sa misa at dinner para kay Dougs.
* * *
Maraming salamat kay Rose Gaisano ng Cebu City dahil siya ang nag-host ng magkasunod na dinner namin sa Mandarin at Lighthouse Restaurants.
Matagal ko nang friend si Mama Rose dahil madalas niyang imbitahin ang mga alaga ko kapag may show sa kanyang mall sa Cebu City, ang Gaisano Country Mall.
Magaling na host si Mama Rose at mahusay siya na mag-entertain. Kilalang-kilala siya sa showbiz dahil sa kanyang kabutihan.
* * *
Matagal nang hinihintay sa Cebu City si Chris Tiu.
Type imbitahan ni Mama Rose sa Cebu si Chris kaya ipinakausap ko sa kanya sa telepono si Marivin Arayata, ang GMA executive na nanay-nanayan ni Chris.
Inimbitahan ni Mama Rose si Mama Avin na mag-taping sa Cebu ang Pinoy Records at nag-promise siya na sagot niya ang lahat ng gastos, basta makarating lang si Chris sa Cebu at sa Gaisano Country Mall.
* * *
Si Donna Cruz ang naalaala ko nang magpunta ako sa Cebu.
Kasikatan ni Donna nang mag-asawa ito. Iniwan niya ang kanyang showbiz career para maging housewife.
Nakakabilib ang mga artista na katulad ni Donna. Nagawa niya na iwanan ang fame at ang limelight.
Nanirahan siya sa Cebu City at naging ordinary citizen, isang bagay na mahirap gawin ng artista na naranasan na maging sikat.
Hanggang ngayon, matatag ang relasyon ni Donna at ng kanyang mister na si Yong Larrazabal. Hindi nagtatrabaho si Donna dahil good provider ang asawa niya. Inaalagaan na lang ni Donna ang mga anak nila ni Yong.
* * *
Ang ganda-ganda ng location ng Belo Medical Clinic sa Ayala Mall sa Cebu City.
Malapit ang clinic sa Marriot Hotel at maraming pasyente nang dumalaw ako.
Hindi apektado ang Belo Clinic sa pagkakadawit ng pangalan ni Dra. Vicki Belo sa sex video scandal ni Hayden Kho, Jr. Hindi naniniwala ang mga pasyente ng Belo Clinic na may kinalaman si Mama Vicki sa uploading sa Internet ng mahahalay na video ni Hayden.
- Latest
