MusiKaraband tuloy pa rin kahit pasukan

MANILA, Philippines - Nitong summer, ang mga top bands mula sa Sony Music ay nalibot ang buong Luzon malls para sa promos ng Summer MusiKaraband na nagpakita ng galing ng mga banda at namahagi ng mga prizes sa tulong ng PLDT MyDSL. Tuluy-tuloy pa rin ang saya ngayong pasukan na!

Pangungunahan ng mga batikang pop rock bands na Pupil, 6Cyclemind, Callalily, Cueshe, Duster, Itchyworms, at Moonstar88 at sasamahan ng mga baguhang tulad ng Letter Day Story at Roots of Nature, may paunang handog na agad ngayong June 14 sa SM San Lazaro na susundan ng SM Lipa gig sa June 19.

Parehong 5 p.m. ang simula ng Summer MusiKaraband at hatid ito ng Sony Music at PLDT MyDSL sa pakikipagtulungan ng MYX, FG Revolution Denim, at Magic 89.9.