John Lloyd narinig na ang panawagan ni Annabelle Rama; The Echo, nauna pang ipalabas sa South Korea

Seen : Si Douglas Quijano ang founding member at unang Chairman ng Professional Artists Managers, Inc. (PAMI). Nagluluksa ang PAMI sa pagyao kahapon ng kilalang talent manager/discoverer.

Scene : Ang meeting kahapon sa Mandaluyong City ng mga alaga ni Douglas Quijano. Pinag-usapan nila ang funeral arrangements ng kanilang manager.

Seen : Magpakalalaki at aminin sa publiko ang pagmamahal sa kanyang anak ang apela ni Annabelle Rama sa lalaki na ugat ng tampuhan nila ni Ruffa Gutierrez.

Nakarating na kay John Lloyd Cruz ang panawagan ni Annabelle sa telebisyon.

Scene : Ang showbiz statement ni Paula Taylor na magkaibigan lamang sila ni Marc Nelson.

Si Paula ang leading lady ni Vic Sotto sa LOL.

Seen : Ang paliwanag ni Vic Sotto na walang problema sa relasyon nila ni Pia Guanio dahil patuloy sa pagtatag ang kanilang relasyon.

Scene : Ang PAMI-sponsored Healing Mass sa Martes (June 16 ) para sa entertainment industry at sa mga showbiz personalities na may karamdaman.

Sina Fr. Joey Faller at Fr. Glenn Gomez ang magmimisa sa Christ the King Church, E. Rodriguez Avenue, QC.

Seen : Hinahangaan ang katapangan ni Rochelle Barrameda sa paghahanap ng hustisya para sa kanyang kapatid na pinaslang.

Scene : Nasa Top 10 ang The Echo sa mga pelikulang ipinalabas sa South Korea. Naunang ipalabas sa Korea ang pelikula ng Filipino director na si Yam Laranas. Kasali sa cast si Iza Calzado.