'Hindi ko pinangarap magpagamit sa isang has been'
Ngayon ang alis nina Lorna Tolentino at Senator Jinggoy Estrada. Pupunta sila sa Dubai at Kuwait para sa premiere showing ng Katas ng Saudi na ang balita ko eh magkakaroon ng Part 2.
Hit na hit sa mga OFW ang Katas ng Saudi kaya marami sa mga kababayan natin sa Middle East ang nag-request na ipalabas doon ang award-winning movie nina LT at Jinggoy.
Ang alam ko, kasama sa Dubai trip sina Papa Joseph Estrada at Dra. Loi Ejercito. Hindi lang ako sure kung ano ang gagawin nila sa Middle East.
* * *
Handang-handa na si DILG Secretary Ronnie Puno sa pagkandidato niya sa 2010. Favorite ni Papa Ronnie si Santino ng May Bukas Pa kaya ang theme song nito ang kanyang official campaign song sa darating na eleksyon.
Nakuha na ni Papa Ronnie ang rights para sa May Bukas Pa na pinasikat noon ni Rico Puno.
Sa totoo lang, ang May Bukas Pa ang official campaign song ni Papa Ronnie noong kumandidato siya na congressman sa Antipolo City at nag-win siya.
Lucky charm ni Papa Ronnie ang kanta kaya ito uli ang kanyang gagamitin sa pagkandidato niya bilang Vice-President sa susunod na taon. Obvious ba na May Bukas Pa ang magiging campaign slogan ni Papa Ronnie na kilalang King Maker dahil isa siya sa mga dahilan kaya naging mga pangulo ng bansa sina Papa Fidel Ramos, Papa Erap at Ate Glo!
* * *
Si Geoff Eigenmann ang leading man ni Carla Abellana sa Rosalinda at nagpa-presscon kahapon ang GMA 7 para sa kanya.
Mula sa guesting niya sa Showbiz Central, dumiretso si Geoff sa presscon para makipagkuwentuhan sa mga reporter.
Ang Rosalinda ang unang primetime TV show ni Geoff sa Kapuso network. Pagpapapayat ang inaatupag ni Geoff bilang paghahanda sa kanyang role. Nagpapasalamat ang anak nina Gina Alajar at Michael de Mesa dahil ipinagkatiwala sa kanya ng GMA 7 ang role ni Fernando Jose sa Rosalinda.
* * *
Hindi ko pinatulan ang pang-aagaw ng eksena ng isang has been dahil hindi ko pinangarap na magpagamit sa kanya para mapag-usapan siya.
Kahit ano ang sabihin at gawin niya, hindi na babalik ang ningning ng kanyang bituin dahil naging abusada ang hitad noong may name pa siya. May name raw o!
* * *
Maraming salamat kay Papa Miguel Belmonte dahil sa birthday gift niya sa akin. Hindi nakakalimot si Papa Miguel tuwing birthday ko at Christmas.
Thank you Papa Miguel!
- Latest
