Cristine way offer gikan sa GMA

CEBU, Philippines – Matud pa sa publicist ni Cristine Reyes ug sa VAA (Viva Artists Agency) nga si Doods Santiago ngadto sa PangMasa, dili tinuod nga dunay offer ang GMA-7 sa young actress sukwahi sa mga balita nga mobalik na sa Kapuso network ang dalaga aron maoy modala sa papel sa kontrabida sa “Rosalinda” nga bidahan sa newcomer nga si Carla Abellana. Matud pa ni Doods nga bag-o pa lang natapos ang kontrata ni Cristine sa Dos ug kasamtangan silang nakig-negotiate para sa renewal. Tinuod matud pa nga wala na si Cristine sa “Banana Split” sanglit wala naman siyay kontrata. Gihimakak ni Doods nga dili maayo ang relasyon ni Cristine ngadto nila ni RR, Pokwang ug Angelica. Gani niya pa nga classmates si Angelica ug Cristine sa usa ka culinary school karon.